Marjorie kay Atty. Topacio: Sumusobra ka na

MANILA, Philippines - Kinastigo ni Marjorie Barretto ang kontrobersyal na abogadong si Ferdinand Topacio dahil sa Twitter post nito laban sa anak na si Danni Barretto.

Sa kanyang Instragram account, ipinakita ni Marjorie ang screenshot ng Twitter post ni Topacio na nagkukumpara kay Danni sa isang kabayo.

Si Topacio ay abogado ni Claudine Barretto.

Sa caption ni Marjority, nakalagay ang: "What were you trying to insinuate Atty. Topacio?"

Sa isa pang Instagram post, inilagay din ni Marjorie ang screengrab ng title ng audio file ni Topacio hinggil sa kanyang panayam sa News5 noong Miyerkules.

Ang pamagat ng post: “Atty. Topacio: Ba't Di na Lang Sina Marjorie At Greta Ang Pinatay Online?”

“What exactly do you mean???” ani Marjority sa caption ng naturang Instagram post. Nagbulalas na rin si Marjorie ng pagkadismaya sa abogado at ang sagot sa alegasyong sila ng kapatid niyang si Gretchen Barretto ang nagpakalat ng balitang namatay si Claudine dahil sa drug overdose.

“Are you insinuating Atty.Topakcio (sic) that Gretchen and I did that? I wouldn't waste energy on plotting evil against her. I am busy with my children. It's your camp who came out with that drama to get people to talk about your client who is too close to you. But to insult my daughter? And to say sana si Gretchen o si Marjorie na lang ang pinatay sa online.... You are over stepping. How long have you known Claudine Atty Topakcio (Sic)? 1 or 2 years? We have known her since she was born. Stay put as her lawyer for her cases... But don't touch on me and especially any of my children,” ani Marjorie.

Sa naturang panayam sa News5, tinanong ng news anchor na si Erwin Tulfo si Topacio kung sa tingin niya ay mga "spin doctors" ang may pakana ng balitang patay na si Claudine.

Sagot ni Topacio sa tanong: “maaari din po ano. Pero bakit naman sa lahat ng Barretto sisters ang pinatay naman, e, si Claudine? E, bakit hindi kaya si Gretchen na lang o si Marjorie?"

Sa isang Twitter post naman ni Topacio nitong Huwebes ng umaga, sinabi ng abogado na "“All I can say is if you can dish it out, you must be able to take it as well. Ganun lang po ang buhay."

All I can say is if you can dish it out, you must be able to take it as well. Ganun lang po ang buhay.

— Ferdinand Topacio (@FerdieTopacio) May 28, 2014

Marami ang nagsasabing sagot ito ni Topacio sa mga sinabi ni Marjorie.