Claudine-Juday movie?

CEBU, Philippines - Bukas si Judy Ann Santos sa posibilidad nga magkuyog sila ni Claudine Barretto sa usa ka pelikula sa umaabot sanglit dugay na matud pa kining gipangandoy sa ilang mga fans. Sukad masukad wala pa gayud diay sila magkauban sa usa ka proyekto. Suma pa ni Juday walay problema niya ang maong posibilidad sanglit managhigala sila ni Claudine ug mga professional sila.

Lalaki man gud siya

Hugtanong gihimakak sa bag-ong Kapuso actor Martin del Rosario nga siya ang usa sa duha ka mga lalake sa nikatap nga "kissing photo" niadtong nilabay nga semana. Susama ra gayud niya pa og dagway ang maong lalaki, basi usab sa panukiduki sa iyang fans. Gawas pa sigurado siya nga imposibli ang maong kissing photo sanglit dili matud pa siya bayot, lalaki siya.

Pangandoy si Marian

Giangkon sa Kapatid actor Martin Escudero nga pangandoy niya nga mamahimong leading lady ang Kapuso Primetime Queen nga si Marian Rivera. "Actually, mayroon akong ginawang script, na kung papalarin ng Diyos ay magawang pelikula, si Marian ang gusto kong makasama," butyag pa sa aktor.

Gi-deny ni Romeo!

Nitingog na gayud si Global Port cager Terrence Romeo kabahin sa isyung nagkauyab sila sa It's "Showtime" host nga si Vice Ganda. Gilimod sa basketbolista nga nagkauyab sila sa komedyante. Gidepensaan usab sa iyang amahan si Romeo kabahin sa isyung nagdawat siya og mga mahalon nga regalo gikan ni Vice.

Under pressure si Bamboo

Gibutyag ni The Voice Kids mentor/judge Bamboo nga angayang mas maningkamot siya pagmaayo aron makombinsir niya ang mga bata nga mopili sa iyang team. Dakong hagit alang sa head sa Camp Kawayan ang maong programa kay siya ra ang lalaki nga coach. "As a male [coach] in the competition, it's really hard, e," pag-angkon sa singer.

Sumo wrestler sa Rated K

Ipasalida sa programang Rated K karong adlawa ang estorya sa Filipino-Japanese sumo wrestler nga giingong dako og pagpasalamat ngadto sa iyang Pinay nga inahan. Ang pagbisita sa Rated K host Korina Sanchez ngadto sa Japan naglakip usab sa collaboration sa ABS-CBN ug NHK Japan's Public broadcaster.

Ganahan magminyo!

"I don't wanna be an old maid, 'no! I'm too cute to end up an old maid!" lenggua ni Ruffa Gutierriez ngadto sa Pep, dungan sa pagdeklara nga gusto siyang magminyo pag-usab.

Gidapit ni Dara

Gibutyag ni Kapamilya Ultimate Heartthrob Sam Milby nga personal siya'ng giimbitar ni Sandara Park nga motunga sa concert niini sa Mall of Asia Arena niadtong Mayo 17. Nag-viral sa internet ang gihimong lap dance sa k-pop members ngadto sa Kapamilya hunks lakip na si Sam Milby nga nitan-aw sa concert ni Dara niadtong gabhiona.

Naghandum kang Rainier

Pangandoy ni Yasmien Kurdi nga magkabalik sila og pares sa iyang loveteam nga si Rainier Castillo human sa pila ka tuig nga wala sila nagpares sa aktor tungod kay nilabang kini sa TV5. Gusto sa Kapuso star nga magkauban sila sa Rhodora X diin kauban niya ang ilang ka-batch sa StarStruck nga si Jennylyn Mercado ug Mark Herras…