SEEN : Eliminated sa Pinoy Big Brother House noong Sabado si Chevin Klein Cecilio.
Si Chevin ang kauna-unahang PBB All in housemate na evicted mula sa bahay ni Kuya.
SCENE : Tulala at hindi nakapagsalita hanggang makalabas ng bahay si Cess Mae Visitacion, ang PBB All in housemate na pinatalsik sa PBB house dahil sa kanyang multiple violations.
Marami ang natuwa sa forced eviction na ipinataw kay Cess dahil intrigera ito at hindi kagandahan ang ugali.
SEEN : Si Daniel Matsunaga ang bagong celebrity housemate ng PBB All in. Nawala ang mystery at ningning ni Daniel mula nang maging ex-boyfriend siya ni Heart Evangelista.
SCENE : Biktima ng over exposure si Toni Gonzaga na napanood kahapon sa The Buzz, Home Sweetie Home at PBB All in nomination night.
Bumalik kahapon si Toni bilang co-host ni Boy Abunda sa The Buzz.
SEEN : Muling sumigla kahapon ang The Buzz dahil sa pagbabalik nina Toni Gonzaga at Kris Aquino.
Scene : Ang OPM Fun Run kahapon sa Greenhills, San Juan na sinalihan nina OPM President Ogie Alcasid, Mitch Valdes, Jose Mari Chan, Christian Bautista, Julie Anne San Jose, at Gary Valenciano.
SEEN : Inaabangan ang sagot ni Claudine Barretto sa pahayag ni Raymart Santiago sa Startalk na gusto ng aktor na makuha ang custody ng kanilang mga anak para lumaki ang mga ito na may values at may takot sa Diyos.
SCENE : Luma na ang isyu na hindi tunay na anak ni Coco Martin ang panganay ng dating sexy star na si Catherine Luna at ebidensya ang resulta ng DNA test sa bata.