Hugyaw nga Domingo mga Sweet KaButanding! Bisan og init kaayo karong panahona tungod kay summer na man ang inyong Pambansang Mother Butanding wala usa'y hunong sa paghatud kaninyo kung unsa ang mga latest chika nga mapaambit nako kaninyo. Ang pangutana karon unsa man ang inyong gi-busyhan? Duna ba kamo'y mga summer classes nga pwedeng ma enroll ang inyong mga inday ug dodong o di ba kaha ikaw mismo? Ania ang pipila ka mga summer classes suggestions nga pwede ninyong suwayan sa panahon sa bakasyon kay ako mismo nasuwayan kini pinaagi sa programa sa Buenamano Balita:
1.Belly Dancing - Nindot kini kay kung gusto ka magpagamay sa imong timbang pwede kini with combination of healthy diet. Ug dili kay kana lang ha, makatabang usab kini sa pagwagtang sa stress tungod kay kini maka relax ug maka refresh pagkahuman. Naa si KC ang belly instructress ug iyang mga kaubanan nga naa lang sa Cebu City Sports Center, ug P50.00 per hour ang bayad sa mga gustong musuway
2.Swimming - Lami kaayo ang mohumol sa tubig, tungod sa kainit sa panahon kung pwede pa lang tibuok adlaw ka naa sa tubig! Pwede kaayo! Why not mag-enroll ka sa swimming class nga makatabang kaayo sa pag-burn sa calories ug makatabang usab kini sa atong mga joints o mga bukog ,makawala sa stress kung sige lang ka'g langoy nga ala sirena, unya mas nindot usab ilangoy langoy labi na ang instructor nimo kay gwapo… hahahahhaha! Pwede ninyo masuwayan sa Cebu City Sports Center gihapon ang group class kay mga P1,000.00
3.MetaFit Intense WorkOut - Mao kini ang bag-ong pamaagi sa pag-exercise nga ang tumong mao ang pagpalig-on sa kaugalingon and to burn fats. Gisuwayan nako ang per station kauban si Coach Alan Choachuy, medyo gihangak ko gamay, grabe kaayo ang singot nako pero pagkahuman kay gibati kog kaanyag, dili diay mura kog nigaan. Ang maong exercise kay nagkantidad og P2,000 - P2,500
4.Boxing - Unang higayon kini nako nga nasuwayan, ang nakanindot sa boxing kay usa kini ka cardio workout para sa tibuok lawas. Makusgan ka sa sige nimo og sumbag! Hehehehhehehe. Kung per session P150.00 sa Cebu City Sports Center. Ug para sa dugang detalye sa mga summer classes bisitaha ang ilang opisina kay sigurado gyud ko nga naa sila'y mga gi-offer nga pwede nimong maapilan
Adunay mga summer clinic nga dili na angay mogasto og dako pa, ang imo lang kay abtik ka nga mangita o di ba kaha mobisita ka sa inyong barangay basin naa'y proyekto nga pwede ninyong salmutan. Hinumdumi permi nga bisan unsa man nga summer class ang imong apilan ang importante kay ikaw andam sa imong buhaton ug malingaw ka. Siyempre mao pud kini ang kahigayonan nga makakita o makailaila ka og mga bag-ong higala.