CEBU, Philippines - Ni-backout na si Judy Ann Santos sa Cinemalaya entry "Mariquina." Suma pa sa official statement nga giluwatan adunay kausaban sa casting ug gumikan niini dili na matakdo ang schedule ni Juday. Kahinumduman nga ang nahisgutang pelikula maoy rason nganong gihulipan ni Iza Calzado si Juday sa Star Cinema movie, " Maria Theresa Leonora."
Maypa kwartahon na lang
Suma pa ni Allesandra de Rossi nga gidawat niya ang hosting job para sa "Basta Every Day Happy" sa GMA7 gumikan kay sabaan matud pa siya sa tinuod nga kinabuhi busa mas maayo pa nga himuon na lang gyud niyang trabaho ang iyang ka alingugngog kay makasapi pa siya. Apil hinuon siya sa "Ang Dalawang Mrs. Real" busa makit-an gihapon siya nga mu-arte sa primetime.
Kinagwapahan
Si Andi Eigenman maoy cover sa Mega magazine May issue, diin lugwa ang "10 Most Beautiful Women." Buot pasabot siya maoy labing gwapa sa tanan sanglit siya man gyud ang cover. Lakip pud sa listahan sila si Charina Sarte, Radha,Sanya Smith, Jodilly Pendre, Katarina Rodriguez, ug Aby Asistio.
James ug Nadine subling magpares?
Human nagmalampuson ang pelikula nga Diary ng Panget, target na usab karon sa Viva Films ang paggama sa pelikulang Ex with Benefits.
Padayon gihapon nga gitun-an kung sila pa ba gihapon ni James Reid ug Nadine Lustre ang magpares sa maong pelikula.
Kahinumduman nga gihangop sa masa ang tandem nila ni James ug Nadine ug nanghinaut ang ilang fans nga mag-uban gihapon ang duha sa lain na sab nga proyekto.
Singing career ni Jen banhawaon
Nakahukom na si Jennylyn Mercado nga banhawon ang iyang singing career.
Nasayran nga giplantsa na sa GMA Records ang subli niya nga pagkanta ug ang awit nga Never Alone nga gi-compose ni Vehnee Saturno maoy usa sa iyang gigama.
Suma pa ni Jen nga nagsaulog siya karon sa iyang 10th anniversary sa showbiz busa nakahukom siya nga mokanta og balik.
Tsika pa ni Jen nga nagbaha ang blessings nga iyang nadawat ug wala gyud makatumpag kaniya ang mga nasugatan niya nga isyu.