CEBU, Philippines - Tsika pa sa bag-ong kapuso star nga si Martin Del Rosario nikugi siya og maayo sa iyang trabaho isip artista apan wala gihapon niya pasagdi ang iyang pagtungha. Nagtungha karon ang aktor sa University of the Philippines sa kursong Broadcast Communication.
Giampo ni Patricia
Mipahinungod og pag-ampo ang kanhi sexy star Patricia Javier ngadto sa iyang ex-boyfriend nga si Cedric Lee nga hangtod karun naa pa gihapon sa prisohan gumikan sa pagpamun-og niini ngadto kang Vhong Navarro.
Juday gihulipan ni iza
Ilisan na ni Iza Calzado si Judy Ann Santos sa iyang horror movie nga "Maria, Leonora, Teresa" sa Star Cinema. Gikompirmar ni Direk Wenn V. Deramas ang maong kausaban. Malakip gihapon sa maong pelikula sila si Zanjoe Marudo ug Jodi Sta. Maria.
Wala'y third party
Giklaro ni Maricar de Mesa nga wala'y third party sa breakup nila ni Don Allado. Kahinumduman nga nilanat og pito ka tuig ang ilang kaminyoon.
Anne mitingog
Gihimakak ni Anne Curtis ang isyu nga matud pa nagbuwag na sila ni Erwan Heussaff . Gihimakak usab niya ang tsika nga duna siya'y rich suitor.
"STOMP"
Subling mobalik sa Pilipinas ang grupong "STOMP" kung diin nalakip niini ang Pinoy nga si Andres Fernandez. Taga Pampanga ang iyang inahan, samtang ang amahan nagikan sa Masbate.
Direk Joey napilian sa INC
Si Joel Lamangan na ang final director sa "Ang Sugo" nga i-produce sa Iglesia Ni Cristo. Ang maong pelikula pahinungod sa ika 100th Founding Anniversary sa Iglesia ni Cristo. Giangkon sa direktor nga nahinabi na niya ang mga producer aron usbon ang script niini.
Vice single na
Giangkon ni Vice Ganda nga nagbuwag na sila sa iyang uyab nga basketball varsity player sa usa ka sikat nga unibersidad sa kaulohan. Apan matud pa ni Vice dili matud pa siya broken-hearted kay nauyonan nila ang maong panagbuwag, naguol lamang siya sanglit adunay relasyon nga natapos. Wala matud pay third-party ug aduna pa silay communication sa lalaki. Apan dili pa siya ganahan nga magkita sila.
"Tumbang Preso" nahuman na
Nahuman na gyud ang shooting sa pelikulang "Tumbang Preso" nga naghisgot og human trafficking . Gibidahan kini nila ni Kokoy Desanto, Kean Cipriano , Teri Malvar (Cine Filipino 2013 best actress for Ang Huling Cha-Cha Ni Anita) , Ms. Jaclyn Jose ug Sharmaine Buencamino. Si Kip Oebanda maoy direktor sa maong proyekto.