Sa sobrang sikip, AiAi virgin na uli ang pakiramdam

Rated PG ang mga presscon na pinuntahan ko kahapon, ang presscon nina Red Gatus at Niño Bautista para kina Aubrey Miles at Troy Montero, at ang presscon ng Belo Medical Clinic ni Dra. Vicki Belo para kay AiAi delas Alas.

Rated PG dahil ipino-promote nina Aubrey at Troy ang Euphoria Maxx, ang new brand ng libido enhancer for men na mabibili sa leading drug stores. Ang sabi nina Troy at Aubrey, hindi lamang libido enhancer ang Euphoria Maxx dahil dinaragdagan nito ang energy at muscle strength ng isang lalaki. Medyo nahihiya-hiya pa si Troy sa pagsagot sa mga personal na tanong ng mga reporter pero aminado siya na active ang sex life nila ni Aubrey dahil sa tulong ng Euphoria Maxx.

Mula sa presscon ng gamot na pampatigas, tumuloy ako sa presscon ng FemiLift na mas kilala bilang Pussykip, ang vagina tightener treatment ng Belo Medical Clinic na ipino-promote naman ni AiAi.

Naloka ako dahil sobrang laki ng presscon ng Belo Medical Clinic para kay AiAi. Nasubukan na ni AiAi ang FemiLift at satisfied siya sa unang session niya na mismong si Mama Vicki ang gumawa.

Bilib na bilib si Mama Vicki nang makita niya ang pribadong bahagi ng katawan ni AiAi dahil pang-18-years old daw ito. Tuwang-tuwa naman si AiAi sa mga papuri ni Mama Vicki sa kanyang flower na super sikip dahil sa FemiLift.

Sa totoo lang, hindi ako nalaswaan sa FemiLIft dahil medical at clinical ang explanation ni Mama Vicki.

Walang side effect ang FemiLift na nagkakahalaga ng P35,000 per session. Tatlong session ang kailangan para maging maganda ang resulta.

Medyo nahilo lang si AiAi nang tanungin ito kung sino sa mga male celebrity ang gusto niya na unang makasubok sa kanyang pinasikip na you know what. Nag-beg off si AiAi na hindi na lamang nito sasagutin ang nakakalokang tanong pero nagulat siya nang malaman niya na birthday ni Dennis Trillo noong Lunes. Hindi idine-deny ni AiAi na showbiz crush niya si Dennis pero hindi ito nangangahulugan na si Dennis ang type niya na maka-try sa resulta ng FemiLift.

In fairness, hindi umalis ang entertainment writers sa presscon ng Belo Medical Clinic hanggang hindi ito natatapos. Talagang nagpakita sila nang interes sa explanation ni Mama Vicki tungkol sa FemiLift.

Aliw na aliw sila sa mga sagot nina AiAi at Mama Vicki na nakakatawa pero totoo. Perfect endorser si AiAi ng FemiLift dahil walang kamali-malisya ang pagkukuwento niya tungkol sa procedure na kanyang pinagdaanan. Kinukumbinsi niya ang mga kababaihan na nanganak sa pamamagitan ng normal delivery na i-try ang FemiLift para bumalik ang kanilang mga self-esteem. Let’s face it, may mga babae na nabawasan ang self-confidence dahil sa pakiramdam na nawalan ng gana sa kanila ang mga dyowa nila dahil hindi na sila tight. Para kay AiAi, ang Pussykip o FemiLift ang perfect na kasagutan sa mga problematic misis na nabawasan ang self-esteem.

Naging generous ang Belo Medical Clinic dahil nagpa-raffle sila ng tatlong FemiLift treatment para sa press. Siyempre, mga female writer lang ang qualified sa raffle dahil hindi naman puwedeng magpa-Pussykip ang mga lalaki at ang mga bading ‘no! May mga baklita na nagtanong kay Mama Vicki tungkol sa pampasikip na kailangan nila pero that’s another story!