CEBU, Philippines - Gikataw-an lang ni Richard Yap ang mga nisaway sa serye nila ni Jodi Sta. Maria nga Be Careful With My Heart sa ABS-CBN.
Nasayran nga gisaway ang maong serye gumikan kay matud pa nag-uga na ang dagan sa istorya niini.
Matud pa sa mga kritiko sa maong serye nga kinahanglan nga humanon na kini sanglit nanganak na man si Maya (Jodi).
"Bakit sila naiinis, e, di huwag na sila manood!. Pero nanonood sila kaya okey lang. Sige lang, mainis kayo!" nagkatawang reaksyon ni Richard ngadto sa pep.ph.
Wala'y ideya si Richard kanus-a mahuman ang maong serye nga nilanat na og dul-an sa duha ka tuig.
Yolanda coverage Greggy ug kaubanan pasidunggan
Nasurprisa ug nalipay si GMA7 Cebu reporter Greggy Magdadaro nga nalakip siya sa mga pasidunggan didto sa SMX Convention Center in Mall of Asia, Pasay City alang sa Super Media Awards o "Salute to Unparalleled People, Endeavors and Resources."
Gipasiugdahan kini sa SM Foundation Inc. (SMFI) isip pagpasidungog sa tanang mga sakop sa media nga mipakita’g talagsaong kaisog ug kakugi sa ilang paghatud og balita atol sa bagyong Yolanda nga nikusokuso sa Visayas sa nilabay nga tuig.
"Nalipay at the same time na surprise gyud ko kay wa ko mag-expect nga maapil ko sa mga awardee
Overwhelming yet surprising gyud siya," nagkanayon si Magdadaro sa interview sa Banat News Hugyaw kagahapon sa hapon.
Nasayud matud pa siya nga gi-submit sa GMA7 ang footage sa ilang coverage sa iyang cameraman nga si Jun Solon isip entry, apan nasurprisa gihapon siya sanglit sayud siya nga dili basta-basta ang iyang mga katigi, samtang siya nag-isip sa iyang kaugalingon isip "neophyte" pa lamang sa industriya.
"Sus wa ka magtan-aw sa ako mga kauban ako ray ultimo," mapaubsanon padayag ni Magdadaro.
Lakip usab sa pasidunggan mao ang cameraman ni Magdadaro sa ilang coverage didto sa northern Cebu nga si Solon.
Ang kumpletong listahan sa mga mananaog mao kini:
ABS CBN
"Atom Araullo
"Ted Failon
"Ranulfo Docdocan
GMA 7
"Love Añover
"Jiggy Manicad
"Micaela Papa
"Joecel Huesca
"Greggy Magdadaro
TV5
"Benjie Dorango
"Erwin Tulfo
Solar News
"David Santos
Manila Bulletin
"Tara Yap
Philippine Star
"Lelaine Jimenea
dyBR-Tacloban
"Lorelei Salarda
dyDW
"Jazmin Bonifacio
dzRH
"Jimmy Angay-angay
Leyte-Samar Daily Express and Philippine Daily Inquirer
"Joey Gabieta
Al Jazeera
"Jamela Alindogan
CNN
"Andrew Stevens