Asawa ni Direk Lino nagsabak

CEBU, Philippines -  Malipayong  gibutyag sa  director-politician nga si Lino Cayetano nga makabaton na siya og kaugalingong pamilya ug hingpit na siya nga mamahimong amahan.

 Nagkanayon ang  direktor nga nagsabak karon ang iyang asawa nga si kanhi Ateneo volleyball star  Fille Cainglet.

Una na nga gipadayag ni Direk Lino nga dugay na gyud niya nga gipangandoy nga makabaton og kaugalingong pamilya.

Jay-Z gisikaran ni Solange Knowles

Gisumsuman karon ang nikatap nga video kalabot sa  pag-atake sa igsuon ni Beyonce nga si Solange Knowles ngadto sa bana sa pop diva nga si Jay-Z.

 Giingong kuha sa CCTV camera ang video kung diin  giyawyawan ni  Solange si Jay-Z ug gisikaran pa gyud niini ang  rapper.

 Nahitabo kini sa elevator sa Standard Hotel sa New York kung diin nag-uban sila si Beyonce, Jay-Z ug Solange sa "Met Ball after party".

Wala pa matino ang ugat sa maong  hitabo  ug pagkahuman sa  engkuwentro , nag-uban og gawas sila si  Beyonce ug  Solange, samtang sa laing sakyanan nisakay si  Jay-Z.

Samtang gipaimbestigar matud pa sa  Standard Hotel kung nganong ni-leak ang maong video. –