Miss New Zealand taga Camotes!

CEBU, Philippines - Kaliwat og taga Poro, Camotes ang nakoronahan nga Miss World New Zealand niadtong April 26. Siya mao si  Arielle Diane Garciano.

Ang balita sa GMA7 website nagkanayon nga ang amahan ni Garciano kagikan og taga Camotes, ug nanimpad sa New Zealand 32 ka tuig na ang nakalabay, diin didto niya nahibalag ang inahan niini nga usa ka New Zealander.

Malaumon si Garciano nga siya maoy makadawat sa korona gikan sa labing unang Pinay Miss World Megan Young puhon.

The Buzz ibalik sa ABS-CBN

Ibalik matud pa sa ABS-CBN ang The Buzz sugod karong Domingo, May 18.

Suma pa sa kasaligang tinubdan sa www.fashionpulis.com nga mubalik sab sila si Kris Aquino ug Toni Gonzaga isip mga co-hosts ni Boy Abunda sa maong Sunday showbiz-oriented talk show.

Samtang sila si Carmina Villaroel ug Janice de Belen nga maoy co-host ni Abunda sa Buzz ng Bayan mu-concentrate sa pag-arte sa teleserye.

Miss Gay winner ang I Am Pogay

Tig-apilan og Miss Gay pageants kaniadto ang nidaog nga “I Am Pogay” sa ABS-CBN Showtime niadtong Sabado nga si John Raspado, nga taga Baguio, City.

Base sa pagpanukiduki sa www.fashionpulis.com sa www.missosology.com ug www.opmbworldwide.com, si Raspado nisalmot sa Manila’s Five Prettiest 2012 isip “Jenna Fernandez” ug maoy nidaog isip Miss Amity.

Herrell gyud ang Rayna!

Sama sa napanlantawan nang daan sa Banat News Hugyaw (BNH), ang pambato gayud sa  Dakbayan sa Sugbo  nga si Jamie Herrell gikoronahan nga Miss Philippines Earth 2014 didto sa Mall of Asia Arena sa  Pasay City niadtong Domingo sa gabii.

Una niini, sa pre-pageant activities pa lamang sa maong indigay sa kaanyag, nangharos nang daan si Herrell og pasidungog sama sa five Golds : Fun For A Cause, Darling of the Press, Resort Wear, Swimsuit and Cultural Wear competitions; three Silvers: Catwalk, Talent - dance category, and Hair and Make-Up ug duha ka Bronze: Trash to Class and Evening Gown competitions.

Ug niadtong Domingo sa gabii, nasiguro sa 19-anyos nga lumad sa Lapu-Lapu City ang iyang kadaugan atol sa question & answer portion. Niining puntoha, gipangutana siya sa hurado nga si kanhi  Akbayan representative Risa Hontiveros  niini:"Do you think that we, human beings, have been good children to Mother Earth?"

Tubag ni Herrell: "Honestly, in my opinion, we haven’t been good children. In fact, I believe that we are the number one cause of her problems, we are the reason why we're having climate change, and we are the reason why we're having floods. But in return, if we can only help her and salvage her, she will help us back and take care of us too."

Nasayran nga ang pagpanalipod sa katungod sa mga hayop ang adbokasiya ni Herrell basi usab sa namantala sa website sa maong pageant.

"My environmental advocacy is anti-animal cruelty. Because I have seen how some people treat animals in a wrong way and I believe animals should be treated with love or at least in a proper manner," padayag pa niya. Ang ubang mga mananaug naglangkob nila ni Diane Carmela Querer sa  Tanauan City (Miss Philippines Earth Air), Kimberly Covert sa Dumaguete City (Miss Philippines Earth Water), Maria Bianca Paz sa Gapan, Nueva Ecija ( Miss Philippines Earth Fire)  ug Monique Manuel sa Dinalupihan, Bataan,  (Miss Philippines Earth Eco-Tourism).

Si Herrell kanhi Miss Aliwan 2013 ug Sinulog Festival Queen 2013 ug duna siya’y gitas-on nga 5’7”. Kasamtangan usab siya nga naghupot sa titulo Mega Cebu Ambassadress.

Siya ang ikaduhang Cebuana nga nidaog sa nahisgutang titulo. Ang una mao si Karla Henry niadtong 2008 ug maoy naghupot sa titulo isip labing unang Asian Miss Earth.

Mapasalamaton

Samtang todo pasalamat si Herrell sa tanang nisuporta kaniya ug mao kini ang mensahe nga gi-post niya sa Facebook:

“My dream came true!! The crown I have wanted and waiting for for 2 years came true! It still hasn't sinked in yet that I am the reigning Ms.Philippines Earth 2014 and I brought the crown back home to Cebu! I couldn't have done it without my handlers, family, friends, and all the other supporters out there! I love you all so much and thank you for making my winning possible! This is the best thing that has ever happened to me this year. I made friends, travelled, made memories and even with all of those gifts I was still graced with more. Lastly, I want To thank God and Señor Santo Niño for blessing me!! (I rarely cry now compared to when I was a kid but last night I could not hold in my tears of joy because of the love I have felt from everyone that was with me in my heart).

Pipila ka oras sa wala pa ang pageant niadtong Domingo, nagpasalamat nang daan si Herrell sa tanang nagsuporta kaniya. Labaw sa tanan iyang gipahinungod ang iyang pagpanimpad sa pageant ngadto sa iyang inahan nga si Snowie.

“Thank you to everyone for wishing me a great show today. Today IS THE DAY! but, I would also want to greet my Mom a Happy Mother's Day! I love you so much and tonight I will do my best not just for Dad, Ate, Kuya, and every supporter and Cebuano out there but most especially for you. Love you Mom! Even when you sometimes drive me crazy!”.