CEBU, Philippines - Giklaro sa aktor nga si James Reid nga mauwawon siya nga pagkatawo busa mauwaw gyud siya managad ilabi na ngadto sa mga dagkong artista.
Gibutyag kini sa aktor human wala makauyon si Mark Herras sa iyang batasan gumikan kay wala niya kini matagad.
"I'm not so familiar with a lot of showbiz stars, and kind of shy to approach the bigger artists… sorry if I unintentionally offended him," text message ni James ngadto sa showbiz writer nga si Darla Sauler.
Kahinumduman nga nigawas sa Pep.ph ang report kalabot sa mensahe ni Mark nga matud pa, makadaghan na sila nga nagkasugat ni James apan dili gyud kini motagad kaniya.