CEBU, Philippines - Kaon dayon the day after Johnny and Inday Filma [nee Relatado] Uselton arrived. Kay kaadlawon man sa Abril 11 sila nangabot, pero Abril 10 pa lang daan, duna nay kaon. Kay birthday man ni FO3 Danny Relatado, Jr. siempre, duna gyo'y Alejos. Dunay eskabeche, salad, humba nga lata kaayo, lami kaayong bam-I, humok nga beef steak, lain laing klase sa salad, ug uban pa. Dili sad hinuon gyod mawaa ang beer, kay daghan mag bisitang mga bombero. Pero wa na makahapit sila's Johnny ug Inday Filma. Gipangkapoy sa byahi. Nanglahos ngadto sa ilang mansion sa VELPAL [Ay! Two- storey ra god, unya dunay attic], kay mamahuway na lang. Pero ang manghod ni Inday Filma nga sila's Rowena ug ang iyang bana nga si Jake Ontina, nag-andam na'g pagkaon paka ugma. Lunch time mi's Dingards ug pamilya nga miabot didto. Siempre, duna na'y torbo, kinilo na lang ang lechon, humba, pochero ug salad. [Gusto mong magpaluto ni Jake Ontina ? Kontaka si Dingards or Rowena], ug uban pa. Siempre, nanagana na gyod kong daan sa pagdaa'g plastic sudlan sa bring house. Kay lisod kun mangita pa.
Bisa'g daghang nangita sa ninong ni Dantoy [Danzel Marks Diada Relatado] nga si Roger Serna, wa gyod makatunga si Roger. Busy sad kaayo. Pero gi-book na gyod siya daan para sa travel ngadto sa Oslob, kinahanglang siya na gyod ang tourist guide sa Oslob. Kay gawas nga duna siya'y mansion, nga kasak-an nilang Inday Filma ug mga kauban, kompleto siya's mga kasayuran kalabot sa nailado na kaayong mga Butanding diha sa Oslob. So, dili gyod unta gustong mag-tourist guide si Roger, nahimong tourist guide by force. After all, bisa'g ako, kun moadto ko'g laing mga lugar, call ko dayong Roger, kay hawod man siya sa geography. Well-travelled man siya. Pero pag-adto nilang Inday Filma sa Dumaguete, ug sa Tanjay ug Obogon, sila na say tourist guide ni Roger. Hinuon, wa na gyod mokuyog si Roger sa Bohol ug sa Davao. Total, family affair na man tong travel nila sa Davao. Para gud ma-met ni Johnny ang ubang kaparyentihan. Kay mao man na'y gusto ni Johnny Uselton of Uselton Oil Company sa Tennessee, USA: Laag. Hapit na kono mahurot nila'g laag ang tibook USA. Nakaadto na pod sa pipila ka bahin sa Europe.