Sexy ra kayo

CEBU, Philippines - Giangkon sa FHM Cover girl  Chloe Dauden nga daghan ang gi-edit sa iyang mga hulagway sa magazine. Kini kay kinahanglang tabunan ang ubang sensitibong parte sa iyang lawas.

Balik showbiz

Balik-showbiz karon ang kanhi action star nga si Victor Neri. Lakip siya sa cast sa "Separados",  entry sa Cinemalaya 2014 sa direksyon ni GB Sampedro. Nalakip usab sa maong indie film sila si Ricky Davao, Alfred Vargas, Anjo Yllana, Jason Abalos ug Erik Santos.

First horror movie

Giluto karon sa Star Cinema ang comeback movie ni Judy Ann Santos nga giulohan og "Maria Leonora Teresa" sa direksyon ni Wenn V. Deramas. Usa kini ka horror film diin first time ni Juday nga mohimo og horror  film sa Star Cinema. Kauban sa cast si Zanjoe Marudo.

Dili makig-settle

Dili bukas ang kampo ni Vhong Navarro sa pakighusay gawas sa hukmanan,  sa mga giingong akusado sa pagpangulata kaniya. Sa kasamtangan, ni-plead not guilty silang Deniece Cornejo, Cedric Lee ug Zimmer Raz sa iyahang gipasakang kaso nga Grave Coercion.

Dili kinahanglan magpapili

Tsika pa ni  Jodi  Sta. Maria atol sa interview  niini sa programang  "Headstart" sa ANC  nga dili kinahanglan mosulod pa sa politika aron makatabang sa isigkatawo . Aktibo nga miyembro ang aktres  sa mga kalihukan sa  World Health Organization

Nasaghiran ang sakyanan

Nagyawyaw si Aiko Melendez sa social networking site, dihang nasaghiran sa usa ka puting SUV (Sports Utility Vehicle) ang iyang sakyanan nga naay sticker sa Supreme Court. Ang gikalagutan sa actress mao ang pag-ikyas sa driver, inay  mokanaug aron estoryahan ang maong insidente. Gibutyag sa actress nga na-trace na nila kinsay tag-iya sa sakyanan.

Hilak Phoem

Nakahilak dihang gipangutana sa taga media ang TV host/model nga si Phoemela Baranda kabahin sa nag-viral nga hulagway sa iyang anak nga si Nichole sa social networking site. Ang maong hulagway nagpakita og F-sign hinungdan wala mauyoni ni Phoemela. Gibutyag ni Baranda nga dili siya tig-monitor sa mga accounts sa iyang anak diha sa social networking site.

Wala maglisud

Atol sa live interview sa "Aquino and Abunda Tonight", kusganong gihimakak sa abogado ni Claudine Barretto nga si Atty.Ferdinand Topacio nga naglisod na ang actress sa gastuhan sa iyang pamilya. Gani iyang butyag nga financially- stable si Claudine, kay up to date kini kung mobayad kaniya. Puros usab straight A ang grado sa iyang mga anak, busa nagpasabot matud pa kini nga responsabli nga inahan ang kontrobersyal nga aktres.

Workaholic uy

Kusganong gihimakak ni Jake Vargas sa PEP.ph nga mamili siya og trabaho, hinungdan nga nabakante siya og dul-an na sa tuig. Giklaro niya nga ganahan siya og daghang trabaho ug workaholic siya nga pagkatawo, tungod ug alang sa iyang pamilya.