MANILA, Philippines - Ang makapaglaro sa Bet on Your Baby kasama ang bunsong anak na si Tila at misis na si Lei ang hiling ng komedyanteng si Tado o Arvin Jimenez bago siya pumanaw dahil sa isang malagim na aksidente.
Hindi man ito matutupad kasama si Tado, puno naman ng pag-asang maglalaro ang kanyang naiwang mag-ina ngayong Mother’s Day (May 10).
Sa kasalukuyan, mag-isang ipinagpapatuloy ni Lei ang isa raw sa pinaÂkamahirap na propesyon sa mundo—ang maging ina sa anak nila ni Tado.
Maliban naman sa paÂmilya Jimenez, sasabak din sa nakakaaliw na challenÂges sa loob ng Baby Dome ang inang namamasada ng padyak na si Marilyn Palomas kasama ang baby na si Danica at ang career mom na seaman ang mister na si Mimelaine Pendon kasama ang baby na si Mika.