CEBU, Philippines - Tumang kalipay ang gibati sa umaabot nga Bachelor of Science in Information Technology junior sa University of San Jose Recoletos (USJR), nga si Lou Dominique Piczon human nasakmit ang korona isip Ms. Mandaue 2014 nga gipahigayon niadtong Miyerkules sa gabii sa Mandaue City Sports Complex.
Ang ika 45th Miss Mandaue "Sapphire Edition" nagmalampuson sa ilang tinuig nga panagtigi sa mga maanyag ug utukan nga mga dalaga.
Ang 18-anyos nga sakop sa Ozar Models sa designer nga si Danny Booc ug lumad nga taga Catbalogan City, Samar ug kasamtangang nagpuyo sa Lawaan, Talisay City mapasalamaton sa iyang kadaugan bisan pa sa iyang pagduha-duha nga masakmit ang korona.
"I'm flattered. All the hardwork paid off after doubting myself in winning the crown."
Gisaysay usab niya nga dili siya kontento sa iyang gipakita atol sa Talent's night nga usa ka dance interpretation.
Ug sa labing kulbahinam nga parte sa beauty pageant nga Question & Answer portion, daghang nidayeg sa tubag ni Piczon. Ang pangutana mao kini: "Do you believe that Mandaue's past is still relevant to the present?"
Tipik sa iyang tubag nagkanayon, "Yes, I do believe that Mandaue's past is still relevant to the present because history is what made Mandaue what it is right now…It's historical landmark, made Mandaue what it is today"
Gawas sa iyang nasakmit nga korona isip Miss Mandaue, nakuha usab niya ang Best in Opening Production, Best in Runway ug nidaog usab siya sa online voting.
Nirampa sa ilang casual attire ang mga kandidata nga gidesinyo sa sikat nga designer nga si Cary Santiago. Samtang ang gown nga gisul-ob ni Piczon mugna ni Manuel Tumaque.
Ang 5'7 nga beauty queen nakaapil na og pito ka pageant ug makaduha na siya makadaog. Lakip sa iyang nasalmutan kaniadto ang Miss CCAA kon Miss Catbalogan City Athletic Association sa Catbalogan, Samar, diin siya maoy narayna ug ikaduha kining Miss Mandaue nga titulo.
Gideklarang 4th Runner-up- si Aivy Mae Castro ug napili usab siya nga Miss Photogenic ug Miss Lecit-E; 3rd Runner-up si Mikee Kristene Beltran nga mao usab ang napili nga Miss Congeniality ug Best in Evening Gown; 2nd Runner-up mao si Melody Esther Hodgson, nga nidaug isip Best in Talent, Media's Choice Award, Miss Casino Femme ug Miss Sky Cable. Samtang 1st Runner-up si April Ann White.
Ubang minor awards gipasidungog ngadto kang Samantha dela Peña isip Texters Choice by Smart, Miss Gems and Designs si Maria Fatima Alsowyed. Ang Best Designer Award nakuha ni Mike Yap Ching nga maoy nagmugna sa gown ni Sylva Stevenson.
Mga hurado naglangkub kanila ni Queen of Mandaue 2011Charlita Maittland Smith, Mr. International 2013, 4th Runner-up Gil Wagas, Miss Tourism International 2013 Rizinni Alexis Gomez, world-class designer Cary Santigao, Janette Arquilla, Edward Orlangco, ug Ramir Bunghanoy.
Nihalad usab og kanta ug sayaw ang King of Gil nga si Enrique Gil ngadto sa mga maanyag nga kandidata.
Ang mga hosts mao sila si Miss Mandaue 2007 Sian Elizabeth Maynard, MagTV Na host Jonathan Cimafranca ug Vince Escario.
MISS MANDAUE 2014
Lou Dominique A. Piczon
Birthday: January 20, 1996
Birth place: Catbalogan City, Samar
Course: BS Information Technology
School: University of San Jose - Recoletos
Hobbies:
" Reading books
" Watching movies
" Surfing the web
" Traveling
" Going on food trips
" Listening to music
" Tidying up
Favorite Beauty Queen: Maria Venus Raj, Miss Universe 2010 4th Runner up
Favorite TV Show: America's/Asia's Next Top Model, Suite Life of Zack and Cody
Favorite Movie: Scott Pilgrim vs. the world, A Walk to Remember, Disney animated movies
Principle in Life:Unless you go beyond what you have already mastered, you will never grow; Be classy, never trashy.
Pageant achievement:
" Ms. Anyag 2013 Top 10 finalist
" Ms. Summer Queen 2013 1st Runner up
" Ms. Manaragat 2011 Top 5 finalist
" Bb. Agham 2010 2nd Runner up
" Ms. CCAA 2008
" Ms. SNS 2008 2nd Runner up