Mommy D manghugyaw sa iyang birthday

CEBU, Philippines - Gipadayag ni  Mommy Dionesia Pacquiao nga dili gyud siya magpapugong sa iyang kaugalingon ug mohataw gyud siya og maayo sa iyang 65th birthday karong Mayo 15.

 Suma pa ni Mommy D nga himoon gyud niya nga espesyal ang maong adlaw ug segurado nga mahugyaw gyud ang iyang mga bisita.

Ang party himoon sa usa ka Mountain resort sa General Santos  ug giingong dunay mga bisita si Mommy D nga gikan sa nagkalain-laing nasud.

Gipadayag sa inahan ni Pacman nga duna siya'y dress nga gipahimo nga gamiton niya sa production number sa iyang party.

Nalakip sa plano ang pagsayaw niya uban sa iyang mga anak nga lalaki nga sila si Manny, Bobby ug Ruel.

Duna pud siya'y dance number kung diin iyang makauban ang iyang mga apo nga sila si Jimwell, Michael, Princess, ug  Queenie. (BANAT NEWS)