CEBU, Philippines - Nanghinaut karon si Kris Aquino nga tugutan siya sa Star Cinema nga muhimo og pelikula sa Regal Entertainment diin makauban niya ang gilambigit ngadto kaniya nga si Derek Ramsay.
Nakigtagbo na sila si Kris ug Boy Abunda kang Regal matriarch Mother Lily Monteverde ug Derek sa nilabay nga semana aron hisgutan ang pelikula.
Ang problema na lamang mao ang pagtugot sa Star Cinema ug ang labihan ka puno nga schedule ni Kris.
Si Erik Matti maoy mamahimong direktor sa maong pelikula puhon.
Kahinumduman nga una na unta nga magpares sa pelikula sila si Derek ug Kris sa gimugna sa broadcast-journalist nga si Arlyn dela Cruz, nga mao ang “Maratabat†ug gitakda nga isalmot sa Barcelona Film Festival. Apan labihan ka puno sa schedule ni Kris ug walay kahigayonan nga masingit ang “Maratabat†hinungdan nga gibalibaran kini sa nahisgutan.
Una niini, gilambigit sila si Kris ug Derek sa usa’g-usa gumikan usab sa mga posts sa nahauna sa iyang instagram account, apan niklaro ang actor nga “family friend†ra nila ang manghod sa president.