Mas nakuyawan ang ginikanan

Hugyaw nga Domingo mga Sweet Kabutanding!Ania na usab ang inyong Pambansang Mother Butanding para ihatod kaninyo ang mga BisChika nga nahagap sa atong mga radar! Pero sa dili pa ang tanan ayaw kamo kalimot nga karung adlawa, sa alas siyete sa buntag atong sugdan ang atong adlaw dili lang sa pagbasa sa Banat-Hugyaw, apan sa pagtan-aw usab sa Let's fiesta featuring Panaad Festival, kung diin makauban ni Kuya John Feir ( host sa maong programa ), ang gwapo niya nga travel buddy nga si Rocco Nacino. Ubanan nato sila sa pagsuroy sa usa ka busay, mabusog sa ilang kan-on ug labaw sa tanan mahangak sa ilang katkaton nga bukid. Asa man ka? Libre ang mosuroy sa Let's fiesta!

Nag fiesta usab ang mga chikiting nga nag-edad og six years old and below kay bag-o lang usab gibisita sa Eat Bulaga ang Sugbo para sa pagpangita sa bag-ong Eat Bulaga's Little Miss Philippines 2014. Duha ka adlaw ang among registration kay para mas hapsay na pag-abot sa audition. Makalingaw kaayo kay sayo pa lang sa buntag nagbabag na ang mga nanay ug tatay sa Pacific Mall Mandaue para ihatag ang  mga requirements ug makakuha og priority number. Bisan pa man og okay lang nga wala ang mga bata sa registration day, pero dunay mga ginikanan nga bitbit gyud ang ilang mga chikiting. Ang uban kay nag costume unya duna pa'y make up. Maayo na lang pagkuha nila sa ilang form dunay mga reminders didto nga dapat ang ilang anak during the audition magsanina nga bagay sa ilang edad ug ang makaHugyaw nga No Make Up.  Busa pag-abot sa Domingo natural beauty ang among nakit-an. Pero duna gihapon wala nituman kay makit-an nako dul-itay ang ilang gibutang nga light make up. Dili nako makit-an nga ako man ang mo assist sa mga bata unya light nga hosting ang peg? Makalingaw usab kaayo ang mga bata kay bestseller ang kanta nga Let It Go! Dunay nag-best in costume, ang ubang bata tagaan kag casual wear pero nagsul-ob og korona, mobirit dayon sa kanta nga Let It Go! Mas nalingaw ko naa'y mga bata nga dili na makasulti on stage kay dili pud baya lalim unya saputon dayon, mao nga ang ending manaug usa ang bata og am-aman sa mama. Duna'y mga bata nga nagpakita usab gyud sa ilang talento ug mutubag sa mga pangutana sa audition master ug Dabarkads Ruby Rodriguez. Dili gyud mawagtang ang mga stage mother nga ni lenggua nako " Ako man ang nakuyawan Yuri."  Mao na ni all over the world!

Pagkahuman sa audition, nangutana ko sa audition master, nalipay daw siya kay daghan kaayo silang nakit-an nga potential nga mamahimong contestant sa Manila para sa  Eat Bulaga's Little Miss Philippines 2014, ni bow ang AM (Audition Master) sa mga chikiting nga nibirit kay mga maayo gyud og tingog, ug maayo muhataw sa dance floor. Siyempre duna'y mga beautiful nga mga bata. Mao nga ayaw sipyata sa Eat Bulaga kung kinsa kaha ang makigtigi sa kauluhan ug mamahimong Eat Bulaga's Little Miss Philippines 2014! Goodluck ninyong tanan!

Sunod Domingo : Meet and Greet the stars of Rhodora X nga silang Mark Herras ug Yasmien Kurdi didto sa Bohol!

Hugyaw nga tubig

Nagkainit na ang panahon busa lami kaayo iinom og bugnaw aron seguradong mawala ang kauhaw. Ang uban kanato modumdom na sa pag-inom og tubig sa lubi gumikan kay matud pa napuno kini sa minerals ug bitamina.

Suma pa sa  www.stylecraze.com nga usa sa makuha sa tubig sa lubi mao ang  Bitamina C aron mopalig-on sa immune system. Aduna usab kini glucose content nga motabang usab sa paghatag og enerhiya sa lawas.

Giingong ang pag-inom usab og tubig sa lubi motabang sa pagwagtang sa stress, anxiety ug depression gumikan kay duna kini content sa pantothenic acid, riboflavin ug thiamine.

Aron mas molami og maayo ang giinom nimo nga tubig sa lubi, butangan kini og gatas ug daghang ice busa seguradong "goodbye uhaw". Siguraduha lamang nga busog ka daan sa dili pa muinom niini, aron dili mapasmo.