CEBU, Philippines - Nanganak na niadtong April 21, ang bida sa sikat kaayo nga US series “Scandal†nga si Kerry Washington.Isabella Amarachi ang ngalan sa bata nga unang anak nila sa iyang bana nga si Nnamdi Asomugha. Suma pa ni Kerry dako kaayo og natabang ang iyang pagmabdos sa iyang pagka aktres, ug karon nga usa na siya ka inahan mas inspirado pa siya nga mapahugyaw ang iyang abilidad sa pag-arte.
Blockbuster gyud
Giisip na nga blokbuster movie ang pelikula ni Vhong Navarro, “The Possessed†ubos sa Star Cinema human kini matud pa nihipos na og P100 million box-office gross kaniadtong April 28, pa lamang. Mao kini ang unang pelikula ni Vhong human sa nalambigitan niya nga kontrobersiya.
Documentarist Solenn
Human sa “The Possessed†gitakda nga himuon ni Solenn Heussaff ang usa ka TV documentary para sa GMA News TV. Excited na si Solenn sa maong proyekto sanglit muhaom kini sa iyang kagustuhan nga mubisita og nagkalain-laing mga dapit.
Sequel ni Sweet
Ang sequel sa “Moron 5 and The Crying Lady†ubos sa Viva Films maoy follow-up project ni John “Sweet†Lapus human sa “The Possessed.†Excited si Sweet nga nakuyawan usab sanglit maayo og kita sa takilya ang maayo niyang pelikula.
One Season ra gyud
Gihimakak ni Marian Rivera nga siya maoy nagbuot nga humanon na ang iyang primetime teleserye sa GMA7, ang Carmela. Suma pa niya wala siyay ingon niana nga gahom sanglit dili siya management. Matud niya, one season ra gayud ang maong teleserye, basi sa iyang gipirmahan nga kontrata. Gani na-extend pa sila og duha ka semana. Karong May 23, na mahuman ang teleserye nila ni Alden Richards.