Daghan kaayong giatiman si Jake Ontina karong panahona. Busa nangayo na lang gyod kono siya’g pasaylo daan, sa mahal nga patron sa ila sa Baclayon,Bohol. Kay sa labing unang higayon, dili gyod siya makapauli. Mamawi lang gyod kono siya sa sunod tuig puhon. Kay seguro mang libre siya sa sunod tuig. Ang Baclayon man god usa sa mga lugar sa Bohol nga ilado kaayo isip tourist destination. Sa pag-adto namo sa simbahan, pila na ka tuig ang nakalabay, duna mi tourist guide, pero wa gyod mi pagamita sa among camera sa usa ka lugar diha sa simbahan, ambot unsa to nga lugara sa simbahan. Usa ka lugar sa simbahan, nga dili gyod pakuhaa’g mga hulagway. Bahala ka’g kapila ka moposing kun tua ka na sa gawas sa simbahan. Total kun pang souvenir lang, ang edipisyo man gyod sa simbahan maoy importante, matud pa. Pero, si Cesar Montano kaha, mag-adtoan pa ba sa Bohol. Unsa sad kaha ka tinuod, nga dunay mga taga didto wa makagusto ni Sunshine Cruz kaniadto? Hinoon, halos matag adlaw karong buwan sa Mayo, duna man gyo’y piyesta diha sa Bohol, bisan pa’g ang uban nilang lugar, nagusbat sa linog ug sa super typhoon Yolanda. Bahala na man sad kono’g nagusbat, basta piyesta, piyesta gyod. So tingali kun malibre na si Jake Ontina, suroyon na lang niya ang tanang lugar sa Bohol. Bisan gani dinhi sa Cebu, basta Mayo, naa may mga kapilya ang usa ka sityo . Tungod man god kana sa pagka relihiyoso sa mga bisaya. Hinuon, duna say pipila, nga tawo, nga gusto lang gyod nga sila lang pirme ang presidente. Mailisan na gani, ay magtukod pod og laing kapilya uy. Ambot, pag-alagad pa ba kaha na ni Lord. Pila ra man ka tawo sa usa ka sityo? Mobalik ra man gihapon nang imong pagka presidente, labi na’g daghan kang nahimo alang sa inyong kapilya.