MANILA, Philippines - Tinutukan ng TV viewers ang pagsisimula ng pinakabagong Wansapanataym special ng Kapamilya child stars na sina Andrea Brillantes at Raikko Mateo na pinamagatang My Guardian Angel. Patunay dito ang datos mula sa Kantar Media noong Sabado (Abril 26), kung kailan humataw ng national TV rating na 26.2% ang pilot episode ng My Guardian Angel. Samantala, paÂnibagong pagsubok naman ang haharapin ng mga karakter nina Andrea at Raikko sa WansapanaÂtaym ngayong Sabado (Mayo 3) dahil magsisiÂmula nang magrebelde si Ylia (Andrea) sa kanyang ina. Paano mapipigilan ni Kiko (Raikko) ang pagsuway ni Ylia sa mga utos ng kanyang nanay? Tuluyan na bang masisira ang relasyon ni Ylia sa kanyang mga magulang? Tampok din sa My GuarÂdian Angel sina Mylene Dizon, Ejay Falcon, Ketchup Eusebio, Ruby Rubi, Gerard Pizarras, Abby Bautista, Racquel Pareño, Lui Villaruz, Dale Badillo, at Vangie Martell. Ito ay sa ilalim ng panulat ni Joel Mercado at direksyon ni Jon ‘Sponky’ Villarin.