Angelica kailangan na ring magpapayat para hindi magmukhang ate ni John Lloyd

Mukhang lalo pa talagang mai-in love si Ange­lica Panganiban kay John Lloyd Cruz. Nakita n’yo ba ang bagong look ng aktor? Yummy siya talaga at naga­wang dalhin ang kanyang sarili sa ganung ka­tayuan sa loob lamang ng napakaikling panahon. Well, that’s determination for you. Sana sundan ni Ange­lica ang kanyang ginawa at magpapayat din. Medyo lumalaki na ito and with JLC’s new look baka magmukha siyang ate nito.

JC hindi feel ang ginawang pagsuporta kina Tom at Carla

Siguro naman kaya hindi na nag-effort si JC de Vera na puntahan ang presscon ng So It’s You ay dahil hindi naman siya ang talagang bida rito. Luma­labas na support cast lang siya nina Tom Rodriguez at Carla Abellana. Nakaya naman ng dala­wa na ita­guyod ang presscon kaya huwag nang intrigahin pa si JC na nagpapaka-busy.

Daniel hindi napiga sa interview

Para namang wala akong mawawalan sa ginawang pagbisita ni Daniel Padilla sa programa nina Boy Abunda at Kris Aquino. I’m sure makasa­sagot naman siya ng maayos sa mga itatanong ng dalawa kung nag-effort ang mga ito to go beyond in promoting ng kanyang second concert. Isa ‘yun sa mga episode ng Abunda & Aquino Tonight na walang substance.