Pasay, City , Philippines --Sa ikaunom nga higayon Sugbuanon gihapon ang nakoronahan nga Reyna ng Aliwan kagahapon sa kadlawon sa Aliw Theater sa Pasay, City. Ang 19-anyos nga si Steffi Aberasturri, kinsa maoy pambato sa Sinulog Festival sa dakbayan sa Sugbo maoy nilangkat sa korona, human usab nihakot og upat ka mga special awards.
Ang tourism student sa University of San Carlos, kinsa kasamtangan usab nga Miss Mandaue, maoy napili nga Best in Smile, Best in Swimsuit, Best in Gown ug Best Festival Costume. Gumikan niini, daw naibtan og tunok ang maanyag nga dalaga gumikan kay napadayon niya ang hataas nga kutay sa kadaugan sa mga Sugbuanong dalaga sa maong indigay sa kaanyag, nga highlight sa tinuig nga Aliwan Festival, nga gipasiugdahan sa Manila Broadcasting Company ((MBC) sa daghan nang mga katuigan.
Kahinumduman nga gikan niadtong 2009, puros mga Sugbuanon ang nakoronahan nga Reyna ng Aliwan diin nag-una nila si Shayne Elizabeth Maynard (Sinulog Festival), Rizzini Gomez (Sinulog Festival), Rogelie Catacutan (Sinulog Festival), Angeli Dion Gomez (Hinulawan Festival-Toledo City), ug Jamie Herrell (Sinulog Festival).
Usa ka deboto ni Senor Sto. Nino, sukad siya nidaug isip Sinulog Festival Queen niadtong 2011, gibutyag ni Steffi nga sa pagdayon niyang larga paingon sa kaulohan, iyang gipangayo sa Balaang Bata nga tabangan siya niini sa mao niyang kumpetisyon.
Lahi sa ubang mga indigay sa kaanyag, ang Reyna ng Aliwan, mupahigayon og panagtigi Biyernes sa gabii, diin minor ug corporate awards lamang ang ipahibalo. Sa musunod nga gabii (Sabado) pa, ipahibawo ang resulta.
Sa unang gabii, nalangkat ni Aberasturri, ang best smile, best in swimsuit, ug best in gown. Ang sikat nga Cebu based beauty pageant queen maker ug make-up artist nga si Jonas Borces maoy nagmake-up kang Steffi samtang si Malayka Ramas maoy nagmugna sa iyang festival costume.
I feel very honored to win our sixth title and its not an easy competition because all the candidates are very witty and beautiful. I feel so blessed by Sr. Sto. Niño, nagkanayon si Steffi sa Banat News Hugyaw (BNH).
Suma pa niya nga nabatyagan gayud niya ang pressure gumikan sa kalampusan sa mga Sugbuanon nga nag-una kaniya, apan iyang giampo sa Balaang Bata nga hatagan siya og kusog nga makapadayon sa pageant, hatagan siya’g himsog nga panglawas ug giyahan siya.
Suma pa niya, nangandam siya para sa maong pageant sa trainings nga gipasiugdahan nila ni Borces ug Danny Booc, ug ang tanan iyang gisalig ngadto kang Sto. Niño.
I always pray to the Sto. Niño, whisper to Him. I always go to the basilica to pray, butyag niya.
Gawas sa titulo Sinulog Festival Queen ug Miss Mandaue crowns, napili usab si Stteffi isip Miss Campus Femme 2012. Plano niya ang pagsalmot sa Binibining Pilipinas sa tukmang panahon.
Samtang laing Sugbuanon nga si Maria Gigante nga representante sa Palawod Festival sa Bantayan Island, ang napili nga usa sa tulo ka mga second runners up. Suma pa niya, ang pressure nga iyang nabatyagan mao lamang nga mahatag niya ang tanan para sa iyang isla, ilabi na human sa nahiaguman niini sa kabangis sa bagyong Yolanda sa nilabay nga tuig. "I'm fine, I'm greet, I feel very good to have gone away with something," nagkanayon si Gigante sa BNH.
"Actually I did not feel that any pressure was on me because the pressure that I felt was to represent Bantayan Island properly, rather than to carry the next title for Cebu, because obviously the pressure was on Steffi to maintain the title for Cebu. That was why I just wanted to be there for her in any way that I could, at the same time try to do the best that I can," dugang pa niya.
Mensahe niya para sa mga taga Bantayan mao nga: Padayon! Padayon because Bantayan has recovered faster than anybody thought it would and I believe the spirit of Palawod was behind all of that. Plus I think people of the island are born with such strength that I can't explain. So padayon lang gyud, that's all my mesage.
Suma pa niya nga ang nahiaguman sa ilang isla human sa makusog nga bagyo dako kaayo og natampo sa iyang hukom nga musalmot sa Reyna ng Aliwan.
"I think it was 90%, if you could draw percentage to it. In the first place I was very reluctant to accept the offer to be the festival queen of Palawod Festival because I did not want my municipality to spend anything more than the recovery and I considered it before as unecessary expense. But however when they told me to be highly symbolic of you know, the return of the Bantayanon in everything-it turned out tha they wanted to depict that image of a Bantayanon that was stronger than never before, so I said yes. I found it to be such an honor that they see me as the perfect person to do that," nagkanayon si Maria.
Mapasalamaton siya kaayo kang Borces nga mao matud pay nagtudlo niya sa tanan nga angayan niyang makat-onan sa wala pa siya nilarga sa Manila alang sa indigay nga iyang gisalmutan.Si Maria napili usab nga Star of the Night.
Ang Reyna ng Aliwan nga si Steffi nakadawat og P100,000 cash isip premyo, ang first runner-up nga pambato sa Bulacan nakaangkon og P50,000, samtang ang tulo ka second runner-up nga naglakip sa pambato sa Bacolod, Kabankalan Negros Occidental ug kang Maria nakadawat og P10,000 cash matag usa.
Si Angeli maoy nikorona kang Steffi sanglit labihan ka busy ni Herrell sa pre-pageant activities sa Miss Earth Philippines diin usa siya sa mga kandidata.
Ang Reyna ng Aliwan nahimo nang sukaranan sa pipila ka mga beauty queens sa nasud. Ang labing unang Asian Miss Earth Karla Henry, nga representante sa Masbate kaniadto nahimong first runner-up niining maong indigay kaniadto. Ang mga Sugbuanong Gomez nga sila si Rizzini ug Dion nga nakoronahan niining maong pageant managsama nga nidaug isip Miss Tourism International. Si Parul Shah nga runner-up dinhi niining maong indigay kaniadto, nakoronahan isip Bb. Pilipinas Tourism niining bag-o lamang ug si Mary Jean Lastimosa kinsa maoy Reyna ng Aliwan 2008 maoy pambato sa Pilipinas sa umaabot nga Miss Universe pageant.