Aliwan festival queen 2014: Sugbuanon kaha gihapon ang marayna?

CEBU, Philippines - Tulo ka  maanyag nga mga Sugbuanon ang nakigtigi kagabii didto sa Aliw Theater sa Pasay, City aron paglangkat sa korona  Aliwan Festival  Queen 2014, ang usa sa mga highlights sa tinuig nga Aliwan Fiesta nga gipasiugdahan sa Manila Broadcasting Company (MBC).  Ang maong mga kandidata maoy nagpresentar sa nagkalain-laing religious ug cultural festivals sa lalawigan sa Sugbo. Karong gabii pa masayran kinsa kanila ni Miss Mandaue 2013 Steffi Aberasturri, Miss Cebu 2013 Second Runner-up Maria Gigante ug Mitzi Ambrad ang makalangkat sa korona.

Nasayran nga kanunay nga atangan ang mga kandidata nga maggikan sa mga festivals sa Sugbo sanglit maoy kanunay nga makadaog sukad pa niadtong 2009 hangtud sa nilabay nga tuig. Niadtong 2009, si kanhi Miss Cebu Sian Elizabeth Maynard ang nakoronahan, gisundan ni 2009 Miss Cebu First Runner-up ug 2013 Tourism International Rizzini Alexis Gomez, dayon si Miss World Philippines finalist Rogelie Catacutan, ug gisublian ni Miss Tourism International 2014 Angeli Gomez. Sa nilabay nga tuig si Mega Cebu Ambassadress ug Sinulog Festival Queen Jamie Herrell maoy nidaog nga Rayna ng Aliwan.

Karong tuiga, si Aberasturri maoy representante sa Cebu City's Sinulog Festival .

Ang 19-anyos nga beauty queen maoy gikoronahang Sinulog Festival Queen niadtong tuig 2011. Nasayran nga sa  miaging tuig pa siya gisukna ni

Sinulog Foundation Inc. executive director Ricky Balesteros aron mu-representar sa maong pageant apan nibalibad siya kay dili pa siya andam.

Karon, iyang ipasigarbo ang ginama nga festival costume ni Malayka Yamas kinsa maoy designer sa Reyna ng Aliwan sa miaging tuig nga si  Herrell.

Si  Gigante maoy pambato sa  Bantayan Island's Palawod Festival.

Nagkanayon si Gigante nga nagduha-duha siya sa pag-apil  kay matod pa dugang gasto ra sa ilang lungsod ang pag-apil. Kini human miigo sa lungsod ang bagyong Yolanda. Apan para niya usa kini ka kahigayonan aron  mapasigarbo ang ilang festival sa unang higayon.

Ang  kandidata nga si   Ambrad maoy pambato sa  lungsod sa Dalaguete.

Lain pang 15 ka hugyaw nga mga kandidata ang makigtigi alang sa titulo  kinsa magsilbing  mga tourism ambassadors usab ug ang makoronahan nga reyna makadawat og P100,000 ug lain pang mga pa-premyo. Itchelle P. Sarias CNU B.A Communication Intern, gikan sa balita ni Vanessa Balbuena sa The Freeman Entertainment.