Artista na rin pala ang younger brother ng drama prince na si Coco Martin na si Ron Martin. Si Ron ay kasama sa indie movie na Kasal directed by Jay Altarejos para sa Director’s Showcase ng 2014 Cinemalaya.
Kung matatandaan pa, si Coco ay nagsimula sa mga indie films bago siya kinontrata ng ABS-CBN para gawing drama prince.
Sampaguita compound, events place na rin
Malapit nang magkaroon ng soft opening ang Sampaguita Gardens na isa na ngayong events place. Matatagpuan ito sa loob ng Vera-Perez Compound along Valencia St., Quezon City. Huli naming nakita ang old Sampaguita Garden nung kasal nina Joey Marquez at Alma Moreno more than two decades ago.
Nang ipakita sa amin ni Dra. Gel Lazaro, girlfriend ni Councilor Edward Maceda (bunsong anak ni Manay Ichu Maceda) ang mga kuha ng Sampaguita Gardens events place sa kanyang iPhone, napakaganda nito at malamang na maging in-demand ito sa iba’t ibang major functions tulad ng weddings, birthdays, anniversaries, launches, at iba pang important events. Ito ngayon ang bagong `baby’ ng magkakapatid na Manay Ichu Maceda, Manay Gina de Venecia at Lilibeth Nakpil.
Ayon kay Manay Ichu, malamang na sa bÂuwan ng Mayo o ‘di kaya sa June magkaroon ng soft opening ang Sampaguita Garden.
Speaking of events place, ginawa na ring events place ng Regal Matriarch na si Mother Lily Monteverde ang dating Regal Films compound along Velancia St., Quezon City na halos katapat-bahay lamang ng Sampaguita Garden ng Vera-Perezes. Tulad ng Sampaguita Garden na matagal nang naka-tengga, inisip ni Mother Lily na na gawing productive ang Regal compound kesa walang movement at revenue. Kinuha ni Mother Lily ang serbisyo ng magkakaibigang Lorna Tolentino, Lyn Cruz, at Maritess Gutierrez na nag-form ng kanilang Heads and Hearts para siyang mamahala ng nasabing bagong events place.