Annabelle ayaw na sa pulitika

Mukhang tuluyan nang tatalikuran ng misis ni Eddie Gutierrez na si Annabelle Rama ang pulitika at magku-concentrate na lamang siya sa kanyang pa­giging producer at talent manager na kanyang na­­pa­­bayaan nang sumabak siya sa pulitika in 2010. Na-realize marahil ng mommy nina Ruffa, Rocky, Elvis, Raymond, Richard at Ritchie Paul na hindi siya nababagay sa pulitika at mas nag-i-excel siya bilang talent manager at show producer.

Bukod sa pagma-manage, pinagkakaabalahan nga­yon ni Annabelle ang family reality show na It Takes Gutz to be a Gutierrez na malapit nang ma­­tung­hayan sa E! Channel na maglulunsad sa ka­nilang buong mag-anak bilang international stars.

Sam walang binigay na detalye

Finally ay nagsalita na rin si Sam Concepcion na may kinalaman sa paninita umano sa kanya ng ate ng kanyang nobyang si Jasmine na si Anne Curtis sa recent birthday party ni Vice Ganda kung saan parehong dumalo sina Anne at Sam. Hindi man nagbigay ng detalye si Sam kung ano ang sinabi at ginawa ni Anne sa kanya, naunawaan at nirerespeto niya ito at ginawa lamang daw ito ni Anne bilang nakatatandang kapatid ni Jasmine.

Derek payag makasama uli si Solenn

Si Derek Ramsay ang pinakabagong Regal baby at bagong love ng Regal Matriarch na si Mother Lily Monteverde. Si Derek ay pumirma ng two-picture contract with Regal Films last Thursday sa Imperial Palace Suites in the presence of Mother Lily, her daughter Roselle Monteverde-Teo and De­rek’s manager na si Jojie Dingcong.

Tuwang-tuwa si Mo­ther Lily dahil natupad na rin sa wakas na makuha niya ang serbisyo ni Derek na makagawa ng pelikula under Regal Films.

Samantala, kung noon ay open si Derek sa kanyang mga nakarelasyon tulad nina Solenn Heu­s­saff, Angelica Panga­niban, at Cristine Reyes, nga

yon naman ay tikom ang bibig ng hunk actor pagdating sa kanyang lovelife na gusto niyang maging pribado lalupa’t non-showbiz ang kanyang bagong inspirasyon. Sinabi rin ni Derek na open umano siyang makatrabaho sa pelikula ang kanyang ex-GF na si Solenn Heussaff at natutuwa umano siya sa magandang takbo ng career nito ngayon.

 â€œMagaling na rin siyang mag-Tagalog,” ani Derek.