Hugyaw nga BisChika mga SweetKabutanding! Sa dili pa ang tanan, ayaw ninyo sipyata ang makalingaw nga magazine travel show sa GMA7 ang Let’s Fiesta matag Domingo sa bag-o niyang oras, alas siyete sa buntag ug karung adlawa kauban gihapon ni John Feir ang akong baby nga si baby Alden Richards, ug manuroy kita sa Highland Resorts sa Davao City. Makaya ba kaha ni Alden Richards ang mga challenges? First time niya magziple mao nga ayaw gyud kini ninyo sipyata busa…Let’s Fiesta!!!!!
Pero kining usa ka young actress wala gayud niya sipyata ang usa ka butang nga gibuhat niya sa iyang mga kuyog. Sigon pa sa atong Kinsa Siya Insider, (KSI), pagkahuman og show sa young actress kauban ang mga actors para sa ilang programa, nanghagad ang mga actors nga mag chill–chill sa ilang gi-istaran nga hotel, ug si young actress kay go for the gold dayon. Fighter man diay kaayo ni ang young actress kay hard drinks gyud ang gilala, (gi–inom). Lawom na ang kagabhiun dihang nahuman na sila og inom pero diha na lang nakurat ang atong KSI kay si young actress nag-wet and wild na. In fact, nagsayaw sayaw atubangan sa mga actors. Gatu-o ang atong KSI nga mao lang kato nahitabo pero sa dihang nagkita og balik si young actress ug si KSI sa usa ka show, didto giangkon sa young actress nga dili lang diay sayaw kuno ang iyang gibuhat kung dili iyang gitagsa tagsa paghawok ang kauban niya niadtong gabhiona as in Kiss to Kiss game lang ang peg. O, di ba Hugyaw? Lampaso ang tanan! Infairness usab sa young actress ha kay proud kaayo kini niya gisulti sa atong KSI, unya nakahisgot pa kini nga feel niya maghimo og black o blue book kay parehas daw sa usa ka international actress didto niya isuwat ang mga nahilawas niini. Meaning gusto sa young actress nga iyang isuwat ang mga naka chula niya? PagkaHugyaw lang gyud! Kinsa kining young actress? Anak sa inilang singer/ actor, katapusan niyang gihimo nga salida kay panghapon, pwede kining kontrabida kay gwapa man ug pwede usab kini pang bida. Daghang igsuon usab nga artista. Ang mga actors? Many to mention. Ahhahahahaha!
But I will mention gyud sa akong kauban nga host sa Regional Entertainment TV nga si Vanessa Ammann og Happy Birthday to you! Dire nako nasuta nga si Vanessa kay maayo nga anak sa iyang mama nga si Hon. Queenie Ammann sa Dakbayan sa Lapu-Lapu ug sa mubong panahon nga nagkuyog mi sa mga Kapuso Mall Shows dali ra kaayo niya nasuod ang akong mga kauban kay maayo usab makisama. Sa iyang adlaw nga natawhan maghinaut ang ETV Cebu Forces nga daghan pang mga birthdays nga umaabot ug labaw sa tanan good career as always. Bisan pa man intawon nga mag nose bleed ko everytime mag host mi sa among Kapuso Mall Shows pero iya usab gibuhat ang tanan nga makaistorya og lahos lahos sa pinulungang bisaya.
Si Vanessa Ammann nakoronahan isip Ms. World Philippines 2012 Second Princess ug napili usab nga Miss Friendship ug duna pa’y upat ka corporate special awards. Pagkakarun busy usab siya nagtudlo og swimming nga murag sirena, ang tawag og Mermaiding.