Rocco tanggap na tanggap ng pamilya ni Lovi

This Sunday na ang alis nina Lovi Poe at Rocco Nacino para sa bakasyon nila sa Europe. Ang unang pupuntahan ng dalawa ay Italy at saka tutuloy sa United Kingdom, kung saan, doon magkikita sina Lovi at ang kanyang family.

After United Kingdom, tutuloy sa France sina Lovi at marami pa sigurong lugar sa Europe silang pupuntahan dahil hanggang April 18 sila sa ibang bansa. Sa April 19 ang balik sa Pilipinas si Lovi dahil naka-schedule siyang mag-taping ng Ang Dalawang Mrs. Real sa Apr. 21.

After Europe kaya, handa nang aminin nina Lovi at Rocco ang kanilang relasyon? Aba’y almost 20 days din silang magkasama abroad at makakasama pa ni Rocco ang mom at sister ni Lovi.

Naunahan ni Lovi ang best friend na si Heart Evangelista na magbakasyon sa France dahil sa June pa pupunta roon si Heart at ang BF na si Sen. Chiz Escudero.

Enzo at Kylie nagkakampihan

Ni-like ni Enzo Pineda ang post ni Kylie Padilla sa Instagram (IG) na “LET GOD” pero blurred ang letter D, kaya ang basa ay “LET GO.” Ang dating nito sa mga nakabasa ay ready na siyang i-let go si Aljur Abrenica na ex na raw ni Kylie kahit wala pang nagkukumpirma sa kanila na tapos ang three-year relationship nila.

Nakakatulong na nasa Australia pa si Kylie, hindi siya na-i-interview lalo na ‘pag ambush interview sa gitna ng balitang break na sila ni Aljur dahil kay Louise delos Reyes. Minsan, hindi nakakaiwas ang artista sa mga ambush interview at kung ano ang nasasabi na pinagsisisihan din.

Sa IG nagre-react si Kylie gaya nina Louise at Enzo, pero si Aljur, dedma sa isyu na infairness, makakatulong din para hindi na lumaki totoo man o hindi.

‘Sam underrated’ – Paolo

Sayang at wala si Sam Concepcion sa presscon ng Arise Gary V 3.0 concert ni Gary Valenciano, hindi nito narinig ang mga papuri sa kanya ni Paolo Valenciano, anak ni Gary V. at co-director ng concert happening on April 11 and 12 at the Smart Araneta Coliseum to celebrate Gary V.’s 30th anniversary.

Hindi kinontra ni Gary V. ang sinabi ni Paolo na si Sam ang next Gary V. na ibig sabihin, tinanggap niyang ito ang susunod sa kanyang mga yapak. Dagdag pa ni Paolo, underrated performer si Sam and he deserves to be the next big thing.

Kuwento pa ni Paolo, nagulat siya nang idirek si Sam sa concert sa Music Museum dahil nang kantahin ang original songs nito sa kanyang album, nag-sing-along ang fans nitong nasa audience na ikinagulat ni Paolo at ni Sam mismo.

Tiyak na matutuwa nito at magiging proud kay Sam ang GF na si Jasmine Curtis Smith sa mga sinabi ni Paolo!

Anyway, nasa presscon din pala ng Arise ang GF ni Gab Valenciano na si Tricia Centenera na ang dinig namin, works for ANC at isang model. Kaya pala parang nahiya si Gab nang banggitin ng isang reporter ang colourful niyang love life at maraming naging nobya dahil nandoon ang current GF nang dumating kami sa 9501 na venue ng presscon, nakita naming kabilang ang dalaga sa mga kausap ni Gary V.