Melai nanganak na
CEBU, Philippines - Gihimugso na ni Melissa “Melai†Cantiveros ang labing una nila nga anak sa iyang bana nga si Jason Francisco niadtong Huwebes sa alas otso pasado sa gabii ug usa kini ka himsog nga baby girl.
Sa instagram post ni Jason, todo ang iyang pag-post sa mga hulagway sa ilang anak ug gipasalamatan usab niya ang tulo ka mga doktor ug nurse nga nag-atiman ni Melai sa pagpanganak. Gisugdan na sa duha ang pagplano sa bunyag sa ilang anak nga wala pa nila panganli.
Kahinumduman nga nagpakasal sila si Jason ug Melai niadtong Disyembre sa miaging tuig didto sa General Santos City.
Anne padayon nga giobserbahan
Padayon nga gi-obserbahan sa mga doktor sa St. Luke's Hospital ang TV host-actress nga si Anne Curtis human kini napahitan og jellyfish atol sa taping sa pantaseryeng Dyesebel nga gipahigayon didto sa Batangas sa miaging adlaw.
Giangkon ni Anne nga nagtuo na gyud siya nga makabsan na siya sa iyang kinabuhi gumikan kay naglisod na siya og ginhawa. Suma pa sa aktres nga maisip na kini nga ikaduha niya nga kinabuhi ug nagpasalamat siya sa tanang tawo nga nag-ampo alang sa iyang kaluwasan.
"The doctors told me I'm very lucky. The last case they had come in with the same case, a box jellyfish sting, the girl was out straight into the ICU. It's quite a scary thought. When we were on our way to the local and closest hospital near our set, I noticed that I couldn't feel my legs & slowly couldn't breathe properly. I thought I was going to die," tweet pa ni Anne.
- Latest
