MVP wala nang planong kunin uli si Revillame, tinuturuan din daw ng leksiyon!

MANILA, Philippines - Wala na raw kaplano-plano ang TV5 na kunin uli ang serbisyo ni Willie Revillame kahit anong mangyari. Ang narinig kong kuwento, gusto raw turuan ng leksiyon ni Mr. Manny Pangilinan si Revillame lalo na nga’t malaki ang nalugi sa network sa programa ng wala ngayong trabaho na  TV host at nababalitang naaaliw raw ngayon sa pagka-casino.

Kaya malabo na raw itong makabalik sa kahit anong network. Sa ABS-CBN daw, hinding-hindi na rin makikipag-trabaho rito at lalo na raw ang GMA 7 dahil meron na silang Eat Bulaga.

Vice at Sen. Nancy tinapos na ang laitan

At least nagkaayos na sila Senador Nancy Binay at Vice Ganda. Nag-post si Vice ng picture nila ng senadora kung saan nagkasama sila sa birthday dinner ng common friend nilang si Bernard Cloma na may caption na “Love! Love! Love!”

Maalalang matindi ang naging pasaring ng sikat na comedian/TV host sa nanalong senadora sa kanyang concert noon sa Araneta Coliseum.

Pero hindi ‘yun nakaapekto sa kandidatura ng anak ng bise presidente ng bansa at parang lalong nakatulong pa. Naalala kong hindi rin noon pumatol ang senadora na ngayon.

Ngayong ayos na sila, may effort din kaya si Vice na makaayos si Ms. Jessica Soho na isa rin sa mga ‘nabiktima’ niya noon sa kanyang Ara­neta concert kung saan nalait ang timbang ng iginagalang na broadcast journalist ng GMA 7?

Napangasawa ng aktres hindi pinapaboran ng ibang kaibigan

Hindi na pala masyadong guwapo ay hindi pa masyadong madatung ang napangasawa ng isang aktres. Actually kahit daw ang ilang mga kaibigan ng aktres ay nagtataka kung ano ang nagustuhan ng aktres sa napangasawa.

Kabaliktaran daw ito sa naunang nakarelasyon ng aktres na bagong kasal. Mas guwapo at madatung daw ang unang papa ni aktres.

Pero sabi ng mga kaibigan nila, true love ang tumama sa kanilang kaibigan kaya wala na rin silang magawa.

Ayawan man daw nila ang lalaki dahil nga hindi ito ang ideal guy sa kaibigan nila, tapos na. Selyado na ang kanilang pagsasama.

James Reid ang lakas ng dating

Malakas na malakas ang dating ng bida sa pelikulang Diary Ng Panget na sikat na sikat sa mga estudyante. Kaya naman marami nang excited na mapanood ito sa mga sinehan starting April 2 na ang isa sa mga bida ay si James Reid with Nadine Lustre.

At in fairness lahat daw ng puntahan nitong lugar talagang tinitilian si James. In fact ang sabi nang mga tumitili malakas pala ang dating ng dating Kapamilya actor. “Iba pala siya sa stage. Ang daming tumitili!,” sabi ng isang fan.

This explains why major industry player Viva Films tapped the former Pinoy Big Brother Teen Edition  (2010) big winner for stardom dito nga sa Diary Ng Panget.

Anyway, tuloy ang mall tour ang grupo ng ‘Panget’ para sa promo ng pelikula na dinirek ni Andoy Ranay.

27 March, Thursday: SM Sta. Mesa, 4:00 pm

28 March, Friday: SM Marikina, 2:00 pm; Fisher Mall, 4:00 pm

29 March, Saturday: SM Rosario, 2:00 pm; SM Bacoor, 4:00 pm

30 March, Sunday: SM Fairview, 4:00 pm

31 March, Monday: SM Calamba, 4:00 pm

4 April, Friday: TriNoMa, 4:00 pm

5 April, Saturday: SM Sta. Rosa, 4:00pm