CEBU, Philippines - Wala’y wala makaila kaniya sa running community sa Sugbo. Ug gawas sa iyang mga kalampusan sa kalibutan sa ultra marathon, ang tanan nag-isip kaniya nga “idolo†gumikan sa iyang pagka buotan ug pagka mapaubsanon. Siya si Noel Tillor, 29-anyos ug lumad sa dakbayan sa Bogo. Si Noel, kinsa minyo na ug aduna nay duha ka mga anak, nag-isip sa pagdagan isip hobby.
Matawag siya nga late-bloomer sa natad sa marathon gumikan kay lima ka tuig pa lamang siya nga nagsugod. Nag start ko nga 24 akong edad. Una nakong dagan Milo Cebu eliminations. Ten kilometers, no training, no knowledge about running, but got a good time:s one hour. Ug didto nagsugod akong pagka-runner,†saysay pa niya sa Banat News Hugyaw (BNH).
Malisud matud pa ang training ni Noel gumikan kay, “I’m not a full time athlete. I have work as automotive technician.†Wala matud pa siya’y gitamdan nga diet program apan, “dili ko mokaon og fatty foods while in training season.†Labing malisud matud pa para kaniya ang pagpangita og panahon alang sa iyang training.
Alang ni Noel dako kaayo og kaayuhan nga nahatag sa iyang lawas ang iyang pagdagan, “ kay healthy life style naman ko, physically and mentally fit. Unya naka inspire pako og mga people to adapt healthy living.†Buot niya pasabot mao nga, “dili naka moinum, mu-smoke, no-drugs ug ang food intake balance pud.â€
Ug ang pagtulun-an nga iyang napupo sa iyang pagdagan mao nga, “walay imposible sa kalibutan kung kita maningkamot ug ubanan sa pag ampo, dedikasyon,pasensya, pagkamapaubsanon ug disiplina.â€
BNH: Unsay imong tambag sa mga buot mamahimo sama nimo ka malampuson karon? Unsay mga angayan nilang buhaton aron makasugod sila ug dili gayud mu-undang?
Noel: Keep running lang gyud, unya disiplina. Ang disiplina sa kaugalingon dapat permi humble, dili mag- abusar sa lawas, dedication sa training.
BNH: Kun muingon ka'g training unsa may buhaton nimo ana?
Noel: Grabe everyday lahi lahi og program. Walay pahulay. Mo average og 150 kilometers per week (ang daganon basta on training).
BNH: Kinsay imong idol or idols sa running?
Noel: Wala koy gi-idol nga runner. Akong idol akong kaugalingon ra gyud.
BNH: Ngano man?
Noel: Wala ko nag idol kay kahibalo ko nga kaya nako nga molabaw nila uban sa akung pagporsige sa training ubanan sa pag-ampo..kay walay imposible kung buhaton nato ang imong buot kab-uton..
BNH: Unsay labing halandumon o dili nimo malimtan nga kumpetisyon ug ngano man?
Noel: Pinaka dili makalimtan ang pagdagan nako sa Cebu City Marathon 2012 nga ako ray Pinoy nakasulod sa top 10. Didto nagsugod nga gitawag ko og “Noel Tillor The Hybrid Kenyan of Cebu.â€
BNH: Pila man kabuok Kenyan diay ang nisalmot niadtong tungora?
Noel: Twelve Kenyans ug ako ra ang Pinoy nga nakibugno nila. Nisamot kalisngag akong ilong og gukod..hahahaha.
BNH: Unsa pay buot nimong pamatud-an sa natad sa dagan ug unsa pa nga kumpetisyon ang imong gihandum nga salmutan? Ngano man?
Noel: Karon kontento nako sa akung naabot.
BNH: Unsay kaayuhan nga maangkon sa imong lawas kun marathoner/ultra marathoner ka?
Noel: Daghan--physically fit, energetic, younger-looking gyud, unya daghan kang makat-unan.
BNH: Sa higayon nga mapildi ka or dili ka maka-place unsay isulti nimo sa imong kaugalingon?
Noel: It’s a part of the game. Diha ko ma- challenge kay ako man ma develop ang akong kulang..training lang gyud og maayo.
BNH: Kinsa si Noel Tillor kun walay magtan-aw o mag-inusara sa usa ka lawak?
Noel: Simple ra gyud ko nga pagkatawo...walay libog kay libog na daan..hahahaha.
Name:
Noel Ortiz Tillor
Address:
Cogon, Bogo City
Birthday:
March 20, 1985
School/Degree:
TESDA/Automotive Technician
Celebrity Crush:
Angelina Jolie, Megan Fox,
Jennifer Lopez
Achievements/Titles:
Five-time Ultramarathon Champion:
Warrior 50km Ultramarathon Cebu 2011
Summit 60km Ultra Challenge 2011
I Shall Return Ultramarathon 2012-Tacloban City,Leyte
2nd Warrior 50km Ultramarathon Cebu 2012
2nd Labor Day Coast to Coast 65km Ultramarathon
Four-time Marathon Champion
Cebu City International Marathon 2012
Cebu City International Marathon 2013
Cebu City International Marathon 2014
Cebu City SRP Midnight Marathon 2014 (BANAT NEWS)