Young actresses kusog mutabako!
Hugyaw nga BisChika mga SweetKaButanding! Dili na gyud malalis Summer na! Grabe ang init kay mamahit sa imong panit. Mao nga ikaw mga SweetKaButanding kung mugawas ka sa inyong balay siguraduha nga naa kay mga proteksiyon sa kainit sa panahon. Bisan paman sa kainit, ang iyong paborito nga travel/ magazine show matag Domingo, ang Let's Fiesta, aduna na'y bag-ong oras. Alas siyete na sa buntag mao nga mas sayo kita manuroy sa nagkalain-laing mga lugar. Ug karung Domingoha isuroy ta ni John Feir ( host ) kauban ang iyang travel buddy "Ang Pambansang Dimples" nga si baby Alden Richards sa Davao City. Siyempre sa GMA 7 lang kini ang inyong Kapuso Network! Busa panukad na!
Murag ako niaging semana, usa sa mga episode namo sa BuenaManoBalita kay puwerte intawon nako'g panukad kay among i-bida ang bag-ong pwedeng suwayan usab ninyo, ang gitawag nila og "Mermaiding." Usa kini ka klase sa paglangoy nga mura ka og sirena. Sayo palang sa buntag gababag na ang among team para sa among live airing. Dihang naabot na ang mga instructor nga silang Franz, Chang, Ms. Shantal ug Ms. Julia kay ilang gipasukod ang mermaid tail. Dili diay ana kasayon ha? Kay kining lawas nako nga murag butanding unya himuong sirena pagkahangak naman lang gyud! Sa dihang nasukod na, nagwarm-up usa ang among beauty kay importante man kini kaayo para dili ka mabikogan sa pool o para ma-stretch gyud nimo ang imong lawas inig langoy-langoy nimo. Dihang nasul-ob na nako ang akong mermaid tail..hala oi mura naman ko’g si Pearly Shell ang nawagtang nga igsoon ni Alona ug Perlas sa Kambal Sirena sa GMA 7. Hahahahhahaa! Infairness, Hugyaw ang feeling pero dapat willing and able ka nga makalangoy nga murag sirena. Medyo lisod apan tungod kay naa man ang mga instructor mas dali nalang para nako. Mao nga go with the flow nako sa akong pagka sirena isip si Pearly Shell. Akong nahibaw-an nga kini silang Franz - ang pinakaunang merman sa Cebu, Chang, Ms. Shantal kay adunay grupong gitawag og Philippine Mermaid Swimming Academy Cebu ( 0917 -6695064 ).Ang nakanindot niini kay dili lang kini sa mga babaye pero pwede usab kini sa mga lalake. O di ba bongga? Mao nga karung summer kung gusto mo og bag-o nga kasinatian. Para mausab ang imong profile pic parehas nako? Try it now! Swim na! Now na!
KINSA SIYA?
Bongga ang atong Kinsa siya kay murag kambal sirena lang ang peg kay sigon pa sa atong Kinsa Siya Insider kining duha ka pa sweet ug pa demure nga mga young actress kay dunay something in common? Unsa kini? Well very common gyud kaayo, mao kining paghithit sa sigarilyo! Na shock ang atong Kinsa Siya Insider kay kining young actress no. 1 kay kauban ang iyang mother mag-atbang sila og pabulhot sa ilang sigarilyo pero ang nakanindot, unsay nakanindot? Buhaton daw kini nila sa pribado nga lugar nga wala'y makakita nila nga mga fans o mga tawo. Pero kining young actress no. 2? Deadma siya sa mga tawo sa iyang palibot basta makadyogar lang (sigarilyo) sa lugar nga iyang gusto. Sigon pa sa atong KSI nga kining young actress no. 2 dili nindot og panit? Dili ba kaha kini sa sige’g panigarilyo niya? Kinsa kining duha ka young actress? Si No. 1 kay mas nailhan nato tungod sa iyang gihimo nga teleserye nga sikat kaayo bisan kini remake pero hangtud karun wala pa nasundi. Freezer! Si No. 2 kay dili palang dugay ang bag-o niya nahuman nga teleserye unya duna siya'y igsoon sa industriya. Hmmmm..ingon pa sa atong KSI uyab sila sa usa ka young actor nga daghan usab kaayo'g igsoon sa showbiz nga very active. Hugyaw!
- Latest
