Zsa Zsa masaya sa ipinalit kay Dolphy

Mga former beauty queen daw ang ex-wives ng sikat na architect na nali-link ngayon kay Zsa Zsa Padilla. Kahit hindi beauty queen, hindi naman pahuhuli si Zsa Zsa sa ganda ng dalawang naunang misis ng architect na sabi’y new love niya dahil isa si Zsa Zsa sa pinakamaganda sa entertainment industry.

Tama na munang masulat ng press na nakikitang magka-holding hands si Zsa Zsa at ang arkitekto sa kanilang moments together. In fairness, walang nagne-nega sa bagong guy sa buhay ng Divine Diva at kung meron man, konti lang. Majority ay masaya para sa kanya at naniniwalang it’s about time for her to fall in love again!

Marian inuulan ng TVC

Ngayong Sabado ang airing ng TV commercial (TVC) ng isang endorsement ni Marian Rivera at, after this, may mga susunod pa siyang TVC.

Kundi mababago ang schedule, sa April 13, lalabas ang billboard ni Marian for another endorsement ng isang clothing line. Hindi lang kami sure kung T-shirt o underwear ang lalabas na billboard dahil parehong ie-endorse ng aktres ang mga ito at magkakaroon din siya ng scent line. Pumipili pa lang daw ito ng scent na babagay sa kanya.

After Holy Week, lalabas ang billboard ni Marian for another big endorsement for skin treatment naman at may shampoo at coffee pa.

Sunud-sunod din ang magazine cover ni Marian, after FHM, sa April issue ng Women’s Health naman siya makikita.

Also this Saturday, tuloy na ang autograph signing ni Marian for FHM na gagawin sa Robinsons Galleria Movieworld, 5 p.m. Kasama ang event na ito sa FHM Bikini Heaven na magaganap buong araw.

Bukas, nasa Bacolod City siya sa graduation ni Dingdong Dantes sa West Negros University. Very proud GF si Marian sa graduation ng aktor.

Blessings ang tawag ni Marian sa lahat ng magagandang nangyayari sa buhay at career niya

Marvin nakipagsosyo kina Charo Santos

Sa Boqueria na nasa Mega Fashion Hall ng SM Megamall namin na interview si Marvin Agustin para sa pinagbibidahang drama series sa TV5 na Obsession. Isa ang aktor sa owner ng Spanish-themed restaurant na ang sarap-sarap ng food.

Bukod sa non-showbiz partners sa resto, kasosyo rin ni Marvin sina Charo Santos-Concio ng ABS-CBN, Malou Santos ng Star Cinema at Orly Ilacad ng OctoArts Films. May share rin sina Agot Isidro, Liz Uy, at Mylene Dizon. Isang sabi lang niya sa mga ito, agad pumayag mag-invest sa Boqueria na ibig sabihin, famous market sa Barcelona, Spain.

Kahit busy sa maraming restos, hindi pa rin maiiwan ni Marvin ang acting at lalong hindi pinalampas ang Obsession dahil sa kakaibang concept. Bilib siya sa TV5 sa pagpoprodyus ng series na marami ang twists at hindi mahulaan ang ending.

 Sa tanong namin kung in the future, makikita natin siyang nasa list ng Forbes as one of the Filipino millionaires sa pagiging successful businessman, “Hindi ’yan ang goal ko,” sagot nito.

Curious tuloy kami kung ano ang goal ng aktor!

Mga lalaki sa Moon of Desire napapatayo kay Ellen

Sa Monday na ang pilot airing ng Moon of Desire under sa unit ni director Ruel Bayani at ito rin ang nag-announce na aprubado na ng Movie and Television Review and Classification Board (MT­RCB) ang pilot. Nakita raw ng mga taga-MTRCB na kailangan sa story ang sexy scenes, tama lang at hindi sobra at packaging lang.

Ipinaliwanag naman nina directors FM Reyes at Raymund Ocampo na more on drama pa rin ang Moon of Desire. Tungkol ito sa beauty at ugliness at backside lang ang sex. Dagdag pa ni Direk FM, puwedeng manood ang mga bata nito.

Si JC de Vera ang pag-aagawan dito nina Meg Imperial at Ellen Adarna at “virginal sexy” ang description kay Meg. Aminado rin itong kamukha ng aktres ang ex niyang si Danita Paner.

Tsinika ni JC na ’pag dumarating sa taping si Ellen, tumatayo ang mga lalaki, nagiging alert, at nakatingin sila rito. Ganoon kalakas ang sex appeal ng hitad!