Dennis naiilang sa pag-aaya ng sex ni AiAi

Inalam namin kay Popoy Caritativo ang reaction ni Dennis Trillo sa mga pahayag ni AiAi delas Alas na type niya ang aktor at pabiro pa ngang niyayang sila’y mag-sex.

Sabi ni Popoy, aliw na aliw si Dennis kay AiAi lalo’t first time nilang magkausap. Sa tagal ng Star Awards, matagal nagkakuwentuhan ang dalawa at sabi ng aktor, mabait pala si AiAi.

Doon sa pagyayaya ni AiAi kay Dennis na mag-sex sila, natawa lang ang aktor dahil alam na nagpapatawa lang ang una. Sa interview kay Dennis binanggit nitong awkward sa kanya nang unang sabihin ‘yun ni AiAi sa stage.

Hindi pa uli nagkikita sina AiAi at Dennis after the Star Awards, pero sa interview kay AiAi, patuloy ang papuri nito sa aktor dahil hindi lang magaling na aktor, mabait, at guwapo pa. Kahit sino raw ay makakagusto rito.

Matanong nga si Dennis tungkol dito kapag dumalo ito sa Golden Screen TV Awards ng Entertainment Press o Enpress sa Friday, March 21, sa T­eatrino sa Greenhills. Nominated siya sa Best Outstanding Performance by an Actor in a Drama Series sa My Husband’s Lover.

Also, tatanggap din sila ni Tom Rodriguez ng award mula sa Pep dahil ang TomDen ang nanalong Love Team of the Year sa PEPster’s Choice 2013.

Mga bida ng Diary ng Panget kabado at excited

“Excited, pero medyo kabado,” ang sagot ni Yassi Pressman nang tanungin tungkol sa April 2 showing ng Viva Films movie na Diary of Panget. Ito rin ang nararamdaman nina James Reid, Andre Paras, at Nadine Lustre at para maganda ang outcome, magsisipag silang i-promote ang movie.

Ipina-describe namin sa apat ang bawat isa, pero sina Yassi at James lang ang natanong namin dahil sina Nadine at Andre naabutan ng shooting.

Sabi ni Yassi: “Andre is one of the funniest on the set, nakakatawa talaga siya. Nadine is very down-to-earth, walang yabang at all. She’s funny, hindi siya loud. Si James ay mukhang mannequin dahil super fix ang hitsura.”

Sabi naman ni James: “Yassi is cool and an amazing dancer. Andre is a gentle giant. He’s one of the funniest people I know even off-camera. Nadine loves computer games and we can hang out just playing computer games. Mas magaling pa siya sa akin.”

First movie ito nina James at Andre dahil si Yassi nakagawa na ng pelikula at si Nadine ay kasama sa Petrang Kabayo, pero ngayon lang magbibida, kaya pressured. Pero kampante ang apat na marami ang manonood sa kanilang pelikula.

Katrina Halili buntis na naman daw

Ang My BFF o My Best Friend Forever ang papalit sa Paraiso Ko’y Ikaw na kung tama ang dinig namin, sa first week ng April ang pilot. Bida nito sina Janno Gibbs at Manilyn Reynes.

Kasama sa cast sina Mona Louise Rey at J­illian Ward. Kinukuha rin si Katrina Halili, kaya nataranta ang staff sa tsikang buntis ang aktres. Kinausap din si Keempee de Leon at sana tanggapin nito ang project.

Si Roderick Lindayag ang director ng family drama na mapapanood bago ang 24 Oras. Kundi kami nagkakamali, ngayon lang magkakasama sina Mona at Jillian na noon pa iniintriga ng press dahil ang una raw ang favorite ng Chanel 7 at ‘di na ang huli.

Kapatid ni Coco mag-aartista na rin, aktor mas excited pa

Mag-a-artista na rin ang 19-year-old younger brother ni Coco Martin na si Ron Martin. Introducing ito sa 2014 Cinemalaya entry ni director Jay Altarejos sa Director’s Showcase category na Kasal.

Gagampanan ni Ron ang role ng nakabuntis at kapatid ng isa kina Polo Ravales at Oliver Aquino na mga bida sa Kasal. Ang tsika, mas excited pa si Coco sa pag-aartIsta ng batang kapatid at sa Cinemalaya agad ang unang pelikula.

Enpress mamimigay ng 51 awards

Sa Friday na ang 10th Golden Screen TV Awards ng Entertaiment Press o Enpress na gagawin sa Teatrino sa Promenade, Greenhills. May 51 categories na ipamamahagi at hindi pa kasama ang special awards.

Tatanggap ng Helen Vela Lifetime Achievement Award for Comedy si Quezon City Mayor Herbert Bautista. Ang Helen Vela Lifetime Achievement Award for News Brodcast ay tatanggapin nina Mon, Raffy, at Erwin Tulfo.

Ang Gawad Dolphy Lifetime Achievement Award; Ulirang Alagad ng Sining ay ibibigay kay German Moreno. May Special Citation for Ryzza Mae Dizon for being the Youngest TV host.

Main host ng awards night si John Lapus at co-host sina Atom Araullo ng ABS-CBN at  Mr. Fu ng TV5. Kinukumpirma pa kung sinong taga-GMA-7 ang kanilang makakasama.