Mubalik na kami!

Hugyaw nga BisChika kanatong tanan mga Sweet KaButanding! Daghan kaayo ang nangutana kanako kung asa na kami ni Partner Ching sa BuenaMano Balita.  Ayaw kamo kabalaka kay sama sa kainit sa panahon nga atong nasinati … Mubalik na ang inyong paboritong tandem sa BuenaMano Balita ang inyong Yur's truly ug si Partner Ching UGMANG adlawa. Ayaw sipyata ang mga init nga dalit namo kaninyo,siguradong mas init, mas bug-at, puno sa mga impormasyon, pasiaw ug labaw sa tanan dobleng  gugma  para lang kaninyo!

Sa mga nangutana asa man mi sa mga pila ka adlaw nga wala mi sa Buenamano Balita, ang inyong Yur's truly nakahigayon nga makabakasyon, maka recharge nga murag battery ug nahatagan nako og oras ang akong pamilya. Tiaw mo na tungod kay routine naman nako ang mumata sayo sa buntag, sugdan nako ang adlaw sa balay namo sa pagpanglimpyo sa akong kuwarto, tungod kay daghan man ko og anak-anak, bonding moment na pud nako nga liguon ang akong mga pag-umangkon unya ang akong baby Jacob (name sa akong pet) gidala man nako sa Lapu-Lapu, hagwa -hagwa pud mi kung dunay time.  Bisita sa akong mga gay unlimited friends sa Englis V-Rama, BisChika dire, BisChika didto, lugwa sa balay sa akong Tita Edna Arinque para ma update sa mga panghitabo sa among family tree, ug siyempre ang importante sa tanan akong gibisita ang akong Lola Aning nga sad to say medyo dunay gipamati sa iyang lawas, ug ang akong lolo nga malingaw ko mao nga sulit kaayo ang mga Bisita de Familia ang drama sa oka!

Pero ang usa sa mga hugyaw nako nga lakaw kay ang pagkuyog nako sa akong friend /dentist Dra. Elviza Lumapas, kauban sab silang Raymund, ug Richard sa lungsod sa Barili, Cebu.  Sayo pa lang sa buntag nibiyahe na kami padung sa maong lungsod. Nindot kaayo ang feeling kay sa among biyahe mga gospel songs ang among gipatukar, tungod kay medyo taas-taas man ang biyahe ni segue mi sa mga kanta nga espanyol, diha na lang namo nabantayan naabot na kami sa Barili, Cebu.  Doble ang among katuyuan: ang paghatod sa mga stocks nga negosyo ni Raymund ug ma de-stress sa ka busy sa siyudad. Achieve kaayo ang among pagbisita ilang Nang Sario kay gipangandaman usab ang among pag-abot. Pwes, unang lafang ang home made sikwati ni Nang Sario, puto-maya ug tam-is nga mangga. Pag paniudto namo, mao na ang kulbahinam kay halos tanan nga giandam sa pamilya ni Nang Sario kay paborito nako o namo gyud, nilat-ang manok bisaya nga dunay kapayas, lechon nga manok bisaya, inun-unan nga isda, pritong isda, pancit ug ang presko kaayo nga butong, ug idugang pa presko nga hangin, mga BisChika mintras gakaon, ahhhhhhhhhh! Nindota oi! Nakaingon ko sunod delivery sa mga sabon kay mukuyog na pud ko basta libre ang akong oras kay na miss na nako ang akong mga new friends.

Mao nga ugma mga Kapusong Cebuano, mga Nanay, Tatay, Inday ug Dodong labi na si Lolo ug Lola, Central and Eastern Visayas manuktok ko sa inyong mga panimalay og balik, manghinaut ko nga inyo ming pasudlon ni Partner Ching kay na miss mo namo! Ingon pa si Partner Ching " Ready na ko partner "  Andam na usab ko! Yahoooooooo!