Marian gustung-gustong amuyin ang kili-kili ni Dingdong

PIK: Wala nang makakaagaw pa sa titulong Charity Diva kundi ang taga-Bacolod na si Token Lizares na sobrang malapit sa movie press.

Noon pa man ay kilala na si Token sa music world pero matagal siyang nawala sa bansa dahil sa nagpi-perform siya sa Japan at sa ibang Asian countries.                       

Pero ngayon ay dito muna siya naka-focus dahil sa commitment niya sa fund-raising projects niya sa Bacolod.

Suportado ni Token ang Holy Family Home sa Bacolod na kung saan tumutulong ito sa mga ulila, mga nawalan ng tahanan at ang mga kababayan niyang nangangailangan.

Kaya sa March 22 ay meron siyang benefit concert na gaganapin sa Teatrino sa Greenhills, San Juan City para makalikom ng pondo para sa charitable institutions na tinutulungan niya.

Special guests ni Token sina German “Kuya Germs” Moreno, Richard Poon, Michael Pa­ngilinan, Prima Diva Billy, at marami pa.

PAK: Bongga ang bagong endorsements ni Ma­rian Rivera dahil gamit sa bahay na nagagamit niya.

Ito ’yung Sof Premium Mmmm Fabric  condi­tioner na ipinagmamalaki nga niyang napakabango at nagpapalambot ng mga nilabhan.

Tinanong ngayon si Marian kung alin sa bahagi ni Dingdong Dantes ang malambot at mabango.

Natatawang sumagot si Marian ng malambot daw ang labi ni Dingdong at ang pinakamabango raw ay ang kili-kili ng aktor.

 â€œLagi kasi kaming nagbibiruan ni Dong at mahilig kaming mag-amuyan ng kili-kili,” natatawang pahayag ni Marian.

In fairness, housewife ma­terial naman kasi si Marian kaya hindi na nakakapagtaka kung willing ang aktres na ipaglaba ng damit si Dingdong.

BOOM: Pagkatapos makumpirmang medyo malubha ang sakit ng anak ni Jackie Forster na si Caleigh, tumatanggi muna siyang magpa-interview dahil sa hindi pa raw niya kayang magsalita tungkol sa karamdaman ng kanyang anak.

Nag-post ito sa kanyang Instagram account na ngayong araw ay maku-confine uli si Caleigh dahil magsisimula na ang unang procedure na gagawin sa kanyang anak.

Bahagi ng ipinoste sa kanyang Instagram account: “It’s Caleigh’s first Lumber Puncture (spine) to get a sample plus drop medicine down her spine. This first is the most important.”

Kaya patuloy na humihingi si Jackie ng dasal na malagpasan ito ng kanyang anak na napakabiba at napakaganda pa.