Angel at Jennylyn pinagsasabong sa aktingan

Kay Angel Locsin naman iniintriga si Jennylyn Mercado ngayon dahil mas maganda raw ang performance nito sa Rhodora X kaysa sa pag-arte ni Angel sa The Legal Wife. Bagama’t talagang malaki ang iniunlad ng pag-arte ng Kapuso actress, hindi naman totoong mas magaling siya kay Angel.

Hayaan na lang n’yo silang maging magaling pa­reho. Hayaan n’yo na rin ang mga award-giving body ang humusga sa kagalingan nila.

Honesto hindi na kayang pahabain

Sayang at hindi naging kasing-haba ang Honesto ng May Bukas Pa. Pero hindi ibig sabihin ay lesser ang talento ni Raikko Matteo, ang batang gumanap ng Honesto. Mas masuwerte lamang ’yung unang pagpapalabas dahil iba-iba ang kuwento nito at hindi iisa ng tulad ng Honesto.

Mataas naman ang rating nila pero ayaw na nilang pahabain pa.

Hayaan na natin total naman nakapagturo silang maging honest ang ibang batang nakapanood sa programa nila.