CEBU, Philippines - Miabot na og $650,000 o gibana-bana nga P29,250,000 ang kita sa pelikulang Starting Over Again didto sa United States.
Kini maoy namantala sa Los Angeles-based Hollywood news site nga moviecitynews.com kinsa regular nga mohatag og update og mga kita sa pelikula nga gisalida sa Amerika.
Sa artikulo nga sinuwat ni Leonard Klady , kini nagkanayon: "Bollywood newcomer Highway was just OK with a $319,000 tally but Filipino newcomer Starting Over Again was boffo with a $650,000 gross from a trifling 52 screens."
Ang pulong nga Boffo nagpasabot nga "very good". Ang maong pelikula nila ni Toni Gonzaga ug Piolo Pascual mikita usab og maayo dinhi sa Pilipinas kung diin nikita na kini og P300 million sa 12 ka adlaw nga pagpasalida niini sa mga sinehan.