AnneKapal, halos talbugan si Miley Cyrus

MANILA, Philippines - Grabe ang ginawa ni Anne Curtis sa It’s Showtime kahapon kung saan halos talbugan pa si Miley Cyrus sa Wrecking Ball song number nito. Feel na feel ni Anne ang kanta at lumanbitin sa mala­king bola habang kumakanta. Pagkatapos noon ay ini-announce na rin ni Anne ang kanyang second major concert sa Araneta, The Forbidden Concert: AnneKapal sa May 16.

Wow, wala talagang makakapigil sa pagiging singer ni Anne.

Star may fund-raising para kay Michael

Saktong-sakto ang inilunsad na fund-raising campaign ng Star Group of Publications sa pangunguna ng Philippine Star para sa Filipino skater na si Michael Christian Martinez na gumawa ng kasaysayan sa 2014 Winter Olympics sa Sochi, Russia kung saan nakuha niya ang final score na 184.25 points (19TH placer). Sinabi ng nanay nitong si Ms. Maria Teresa Martinez na kailangan talaga ng tulong ng anak dahil marami pa itong kailangan sa paghahanda sa 2018 Winter Olympics na gaganapin naman sa 2018.

“We are grateful to everybody who supported and prayed for Michael. He had barely one-and-a-half months of full training prior to the Olympics versus the many years of preparation of his older opponents, yet he managed to defeat 10 veteran skaters,” sabi ng inang nagsanla pa ng bahay mairaos lang ni Michael ang pagsali sa Winter Olympics sa Sochi.

Nangunang nagpaabot ng tulong ang Star President and CEO na si Mr. Miguel Belmonte na nagbigay ng P50,000.

“Michael’s performance on the world stage has brought so much pride to the Philippines. We are rooting for him all the way. We firmly believe that gi­ven the proper support, he can be a medal contender in the 2018 Winter Olympics,” sabi ni Mr. Belmonte.

Para sa mga gustong mag-donate na i-deposit lang sa mga sumusunod na bangko :

Bank of the Philippine Islands

Account Name: Maria Teresa Martinez

Account #3160-0014-87

Swift Code – BOPI PHMM

Address: National Road, Muntinlupa City, Philippines

Branch Code - 316

Banco de ro

Account Name: Maria Teresa Martinez

Account #000208015854

Swift Code - BNORPHMM

Branch Code - 020

Address: Alabang, Muntinlupa, Philippines