BisChika nga Domingo mga SweetKabutanding! Nagpasalamat gyud ko ni Lord nga nabalik na ang akong voice nga nawala tungod sa sige'g kayud. Ang akong Valentine's Day kay nag-host ko og event pero sa tinuod lang wala ko ni reklamo mga SweetKabutanding kung dili mapasalamaton kaayo ko sa mga trabaho nga akong nadawat. Mao nga doble ingat ko sa akong lawas karun mga butanding!
Nahisgutan na man ni nato ang akong hosting job pag-Valentine's day gisundan kini sa usa pa ka hosting job pagsunod adlaw mao nga thankful kaayo ko ni Marc Daniel sa Colonnade Supermarket kay iyang gisalig ang hosting job kanako mao nga ang gugma nga ilang gihatag nako ako usab gisuklian og dakong gugma! Kaning gugma sa trabaho baya kay makaadik kay on the side ako'y galihuk sa permit ug mga angay buhaton para sa EatBulaga's Pamilyang Pinoy Henyo Tibay Family Homecoming taga Cebu man ang winner mao nga saksak sinagol lang ang akong giatubang, ang abog, init, gagmay nga pag-uwan go lang go ang akong beauty! Tuod man, nagmalampuson ang motorcade unya nag-host usab ko sa gamay nga programa kauban si Dabarkad's Julia. Unya Kahibalo namo nga bigay todo gyud ang inyong Yur' s truly kay Eat Bulaga na gud na! Didto nagsugod ang akong ubo,sip-on ug gamay nga hilanat. Nindot ang kasinatian nga makauban si Julia Clarete kay feeling nako Dabarkad's na pud ko.hahahhahahaha!
Pagkasunod adlaw na pud kay tungod ako man ang nag asikaso sa permit para sa Eat Bulaga's Junior Pinoy Henyo bisan galain ang lawas go lang go ang beauty, feeling nako mura kog si Darna! Basta love nimo si work buhaton ang tanan. Para sa Junior Pinoy Henyo sa Sayawan dunay unom ka elementary schools nga nagtigi ug ang morepresentar sa Visayas Region kay ang Mabolo Elementary School. Ang Dabarkads nga present atong adlawa kay si Ruby Rodriguez. Nibilib ko ni Ruby kay sa usa ka mga eskwelahan nga ni perform dunay usa ka estudyante nga iyang gipangutana kung elementary pa ba siya? Gumikan kini kay kuya na man kaayo kini. Gisukitsukit niya ngano ug unsa pagkahitaboa. Pagtubag sa bata nga self- supporting siya , bisag wala na siya'y mga ginikanan gusto niya makahuman og eskwela. Gumikan niini, gihatagan ni Ruby og makapadasig nga mensahe ang nahisgutan. Ang morepresentar para sa Junior Pinoy Henyo pautakan kay ang Bangkal Elementary School nga nahimong emotional ang usa ka tinun-an.
Unsa ba pagkahitaboa ako man ang na-emotional hinuon tungod kay ako nang kuyugan si Ruby padung sa van nga ang peg nako kay close in security kalit kining ni lenggua og "Ttawagin mo yong bata , may ibibgay ako sa kanya." Pagduol sa bata (katong kuya na, wala na'y mama ug papa ) gitunulan ni Rubby og kwarta ug niingon, idagdag mo ito sa baon mo, mag aral ka ng mabuti, aasenso ka, unya ang bata nihilak ug nigakos ni Ruby nga mura’g iyang mama. Ako pud kay nakahilak sa tago with matching tulo sa akong sip-on. waaaaaaaaaaahhhhhh! nitalikod ko'g abtikay!
Nindot kaayo ang eksena nga akong nakit-an, very inspiring! Maartista o sa showbiz ang pagtabang sa isigkaingon madako o magamay basta gikan sa kasingkasing....Love it! Bow nako nimo Ruby Rodriguez!
Goodluck sa mga manok nato sa EatBulaga's Junior Pinoy Henyo!!!!