CEBU, Philippines - Nakugang pag-ayo si Mommy Dionisia Pacquiao gumikan kay gikawat sa duha niya ka mga pag-umangkon ang motor pump ug aircon unit sa iyang balay sa General Santos City niadtong Huwebes. Naluoy si Mommy D sa iyang mga pag-umangkon busa wala niya kni gipapriso ubos sa kondisyon nga iuli ang gipanguha niini nga mga butang.
Yael mitingog na
Gibutyag ni Yael Yuzon nga gitawagan na niya si Vice Ganda ug natuldokan na ang ginagmay nila nga panagbangi. Gihimakak ni Yael nga gipakaubos niya ang mga kabayotan. Kahinumduman nga nahiubos si Vice kang Yael gumikan kay matud pa wala kini makauyon sa tandem nila ni Karylle. "I do not discriminate against gay people. I never did and I would never say anything na ganun. I am thankful that Direk Bobet tried to fix the situation. I already called Vice, and cleared what was needed to be clarified," suma pa sa statement nga gipadala ni Yael ngadto sa PEP.
Ai-Ai dunay ka-date
Naghinam-hinam na si Ai-Ai delas Alas sa iyang maka-date karong adlawa nga gipaila-ila lang kaniya sa iyang mga higala. Giklaro hinuon sa komedyanteng aktres nga wala kini nagpasabot nga nagdali siya nga makabaton og hinigugma.
James mibalhin sa Viva
Hingpit na nga mibalhin si James Reid sa Viva Entertainment ug nagmalaumon siya nga mahatagan siya og daghang projects. Usa si James sa bida sa pelikulang Diary ng Panget. Mibiya si James sa Star Magic gumikan wala kaayo siya mahatagi og pagtagad sa maong talent agency.
Kathniel fans nasagmuyo
Nasagmuyo pag-ayo ang fans nila ni Daniel Padilla ug Kathryn Bernardo sa dihang nasayran nila nga hapit na matapos ang seryeng Got To Believe. Gibutyag hinuon nila ni Kathryn ug Daniel nga dili angayan maguol ang ilang fans gumikan kay sila gihapon ang magpares sa pelikulang She's Dating A Gangster.
Panawagan ni Roxanne
Mi-demand og apology ang aspiring beauty queen nga si Roxanne Cabañero gikan sa TV host-actor nga si Vhong Navarro. Suma pa ni Roxanne nga kinahanglan nga mohatag og katin-awan si Vhong kung nganong gihilabtan ang iyang pagkababaye. Giatake og samot sa mga nitizens ang babaye nga nipasaka og kasong rape ni Vhong Navarro nga si Roxanne Cabañero gumikan kay matud pa klaro kaayo nga nagmugna ra kini og istorya. Giingong adunay concert si Vhong uban kang Vice Ganda niadtong April 24, 2010 didto sa Cavite, ug sa maong petsa maoy giingon ni Roxanne nga matud pa gilugos siya sa aktor.
Career ni Will namingaw
Nawad-an matud pa og TV projects si Will Devaughn gumikan kay maglisod gihapon kini og litok og pinulongang Tagalog. Happy hinuon si Will sa iyang lovelife. Ang kauban niya niadto sa Pinoy Big Brother nga si Roxanne Barcelo maoy iyang uyab.
Kever lang si Piolo
Kever lang si Piolo Pascual sa lenggua sa iyang mga kritiko nga matud pa nga naapil lang siya sa kahig ug si Toni Gonzaga gyud ang rason nga ni-click pag-ayo ang pelikula nila nga Starting Over Again.