Tinanong ko kung ano ang pananaw ni Direk Joel Lamangan tungkol sa isang artista na hindi marunong umarte sa kabila ng pagbibigay ng acÂting instruction at motivation.
‘‘Bawal sa akin ang tanga sa acting. Kung hindi niya talaga makuha ang itinuturo kong tamang pag-arte, sasabihan ko ang talent na huwag nang mag-artista, mag-singer na lang siya o sumakay sa barko para mag-Navy,’’ sagot ni Direk sa presscon ng Sitio Camcam.
Si Direk Joel ang director ng Sitio Camcam na tumatalakay sa kumplikadong pamilya particular na ang kanilang mga anak na apektado ng kaguluhan. Magsisimula nang mag-shooting ang grupo ng Sitio Camcam sa depressed area ng Navotas at Malabon. Nagbabakasakali rin na isali ang bagong obra ni Joel sa mga international film festival sa abroad.
Naiibang role naman ang gagampanan ni Allen Dizon sa pelikulang ito dahil tatlo ang asawa nito na kinabibilangan nina Jean Garcia, Sunshine Dizon, at Charee Pineda.
Payag kaya siyang magkaroon ng tatlong asawa sa totoong buhay?
‘‘Naku, magulo iyan! Kung sino ang pinakasalan ko ‘yun ang kakasamahin ko habambuhay, aalagaan at mamahalin,’’ sagot ni Allen.