Magagawa mo bang tanggapin ang pag-ibig na hindi pangkaraniwan?

MANILA, Philippines - Isa mang ina, alam at tanggap na ni Jing na hindi siya tulad sa ibang mga babae. Hindi lalaki ang gusto niyang makasama sa kanyang buhay. Ang problema, dahil sa kanyang kayamanan, nakikita siya ng mga babaeng nagugustuhan niya bilang taong puwede nilang huthutan.

Samantala, si Clemen ay isang waitress sa isang bar, agad nitong mapupukaw ang interest ni Jing. Ngunit dahil ilang beses nang napasok, magpapanggap si Jing na mahirap para makita kung magugustuhan siya ni Clemen kahit na wala siyang pera.

Issue ng trust ang kahaharapin ng dalawa sa kanilang mala-telenovela na love story—lalo na kapag nalaman na ni Clemen ang totoong pagkatao ni Jing: na may kaya ito—at hindi tanggap ng ina nito ang kanyang napiling lifestyle.

At mate-test lalo ang kanilang relationship sa pagbabalik ng ama ng anak ni Jing—na ngayon ay gusto nang ipakasal sa kanya ng kanyang ina.

Ano kaya ang kahihinatnan ng kakaibang love story nina Jing at Clemen? Alamin.

Itinatampok si Chynna Ortaleza, kasama sina Isabelle Daza, Luis Alan­dy, Robert Ortega, John Arcilla, Susan Africa with the special participation of Ms. Gloria Romero.

Mula sa direksiyon ni Andoy Ranay, sa panulat ni Vienuel Laviña at pananaliksik ni Angel Lauño, huwag palagpasin ang My Lesbian Lover: The Jing and Clemen Love Story ngayong Sabado ng gabi sa Magpakailanman pagkatapos ng Vampire ang Daddy Ko sa GMA7.