Maayong adlaw mga kapuso nga kanunay gyud mag-atang sa Banat In dinhi sa Banat News! Daghan gyud siguro ang excited sa nagkaduol na nga Valentines' Day ilabi na sa mga tawo nga duna'y mga partner sa kinabuhi. Ang uban kaninyo naghinam-hinam pud nga makadawat og mga buwak o ba kaha chocolates gikan sa inyong hinigugma.
Well, mga kapusong suki sa Banat News, ang Valentine's Day dili lang sa mga manag-uyab, bisan kinsa nga indibidwal ang mahimong magsaulog niini. Hunahuna man gyud siguro sa uban nga basta Valentine's Day gani kay para lang gyud sa mga manag-uyab ug ang mogawas nga luoy kay kaning mga "single" kay wa'y mga pares.
Sayop gyud ang maong panglantaw sa uban, aron mo masayod,ang mga single mahimong magsaulog sa Valentine's Day. Basaha kini ang akong tips alang kaninyo:
"Una, pwede kaayo ka mo simba sa bisa’g asa nga simbahan para ipahinungod sa Roman Saint nga si St. Valentine ug mahimo nimo nga ubanon ang imong tibuok pamilya.
"Imbitaha ang imong mga amigo ug amiga nga mga single pud nga pareha nimo nga pwede ninyo isaulog ang Valentine's Day nga kamo ang mag-uban. Puwede mo mag-picnic sa labing doul nga park o ba kaha manuroy mo sa mall.
"Kung animal lover ka, pwede nimo ilaag ang imong pet sa park. Palitan ba ron nimo og mga "heart-shaped dog treats", mao na'y gitawag nga "special animal/human bond".
"Mahimo nga molaag ka nga mag-inusara aron makahatag ka og oras sa imong kaugalingon o "take yourself on a date".
"Labing importante, ang pagsaulog sa Valentine's Day mao nga kuyog nimo ang imong pamilya. Pwede ka magluto og imong specialties. Mohatag ba ka ron og buwak o regalo ngadto sa imong mga ginikanan .
"Mag- movie marathon mo sa imong higala, makadaginot ka sa ingon ana nga pamaagi.
Mao kana ang akong tips alang kaninyo, simple lang kana pero atong maseguro nga bisan wala ta'y mga uyab, makasaulog gihapon ta sa Valentine's Day.
Mao lang kana mga kapuso ang mga simple nga mga pamaagi kung unsaon pagsaulog ang Valentine's Day bisan og wala ka'y pares. Tara na sa mga single, mo-banat na ta!
(Madungog si DJ Maya sa 99.5 RT Nindota Ah!, gikan sa Lunes hangtud sa Sabado sa programang Radyo Nobela 9am-12 noon)