Naniniwala na kaming ang mga magulang ng ex-showbiz couple na ito ang rason kung bakit malabong magkabalikan ang dalawa kahit mahal pa ang isa’t isa. Bago pa mag-break, nakarinig na kami ng sitsit na problema ng young couple ang respective parents nila na hindi pabor sa kanilang relasyon.
Nauwi nga sa hiwalayan ang “parents†factor sa relasyon ng young lovers. Pero kahit break na, kita pa rin ang care ng bawat isa. At napatunayan ito nang mga nakakakita. Bigla raw sumama ang pakiramdam ng aktres at ang ex nitong aktor ang nag-worry ng husto kahit that time, kasama ng aktres ang parents. Ang aktor ang naghanap ng gamot, pero ipinabigay na lang nang makahanap ng gamot. Hindi ito maka-eksena dahil kasama nga ng aktres ang mga magulang.
Kung hanggang kailan matitiis ng dalawa na magkalayo sila, ‘yun ang aabangan natin!
Dennis tuloy ang pagne-negotiate sa GMA
Sa mga nakaka-miss mapanood na magkasama sina Dennis Trillo at Tom Rodriguez, rejoice dahil guest sila sa Sunday All Stars this Sunday. Sabay na ilu-launch ang kani-kanyang single at Tagalog song sa kanilang TomDen album under GMA Records.
Tungkol sa kontrata ni Dennis sa GMA Network, patuloy ang negosasyon ng manager nitong si Popoy Caritativo at ng management.
Vandolph Viva artist na rin
Ang Tuloy Pa Rin ang theme song ng ABNKKBSNPLAKo?! Aba Nakakabasa na Pala Ako) at nang kantahin sa presscon ang theme song, bagay nga sa Viva Films at MVP Entertainment movie na showing sa February 19 sa direction ni Mark Meily.
Nakita naming naki-sing-a-long si Jericho Rosales habang kinakanta ang nasabing theme song at alam ng aktor ang kanta ha!
Curious naman kami sa description sa movie na ‘Biggest Throwback Movie of the Year’ na bukod kay Jericho, tampok din sina Meg Imperial, Vandolph at Andi Eigenmann.
Viva Artist Agency talent na pala si Vandolph at third movie na niya ang ABNKKBSNPLAKo?! Sabi nito, ipit ang comedy ng movie at hindi kailangan ng big movement, pero isa ito sa ikinaganda ng pelikula.
Aicelle itinanggi si Gian
Nanood si Gian Magdangal sa opening ng Rak of Aegis, kung saan isa sa mga bida ang nali-link sa kanyang si Aicelle Santos. Nang tanungin namin ang dalaga, madiing “Hindi naging kami†ang sagot.
Kahit ayaw naming maniwala kay Aicelle, ‘yun daw ang totoo. Hindi rin daw totoo ang tsika kina Gian at Frencheska Farr dahil may BF si Frencheska. Magkakaibigan lang daw talaga silang tatlo.
Anyway, masaya si Aicelle na tinanggap siyang stage actress mula sa Katy at ngayon sa Rak of Aegis. Dahil hit ang stage musical na napapanood sa PETA, nagdagdag ng playdate kaya ang 36 shows, aabot yata ng 40 shows.
Nora tatanggap ng Helen Vela Award
Gaganapin ang 2014 Golden Screen TV Awards sa March 21, sa Teatrino sa Greenhills.
Kabilang si German Moreno na tatangap ng Dolphy Lifetime Achievement Awards.
Tatlo naman ang tatanggap ng Helen Vela Lifetime Achievement Award. For Broadcasting, ang Tulfo Brothers ang napili (Mon, Raffy & Erwin).
Si Nora Aunor ang tatanggap ng Helen Vela Lifetime Achievement Award for Drama at si Quezon City Mayor Herbert Bautista ang tatanggap ng Helen Vela Lifetime Achievement Award for Comedy.