Robert de Niro mitikang sa nasud

CEBU, Philippines - Kasamtangang ania sa Pilipinas ang Hollywood legend nga si Robert de Niro ug usa kini sa nitambong sa press launch sa Nobu Hotel sa National Museum kagahapon.

Giingong adunay partnership ang 70 anyos nga aktor ug ang ilado nga negosyante sa nasud nga si Henry Sy nga magtukod og hotel  sa Manila Bay area.

Ang maong  hotel adunay mga branch  sa Las Vegas,  Riyadh, ug isunod dayon ang London ug Bahrain.

Nasayran nga nahimong ilado si Robert gumikan sa mga sikat nga pelikula niya, sama sa "Taxi Driver" ug "The Mission" nga nakadaug og  Palme d'Or niadtong 1976 ug 1986.

Tuig  1975 sa dihang nalangkat ni Robert ang Oscar best supporting actor award alang sa  "The Godfather: Part II" ug  Oscar best actor trophy niadtong 1981 alang sa pelikulang "Raging Bull.