PIK: Si Alden Richards ang mas kabado sa pagsisimula ng Carmela, Ang Pinakamagandang Babae sa Mundong Ibabaw sa GMA Telebabad mamayang gabi.
Dito mahuhusgahan kung tatanggapin ang tandem nila ni Marian Rivera na excited sa pagsisimula nito.
Pagkatapos ng maraming drama series na nagawa ni Marian, dito raw sa Carmela niya nagamit ang mga natutunan niya sa mga nakaraang serye. Kaya kering-keri na niya talaga mag-drama at hindi nagpapahuli sa mga magagaling na co-stars.
PAK: Hindi pa rin maiwasan ang isnaban ng dalawang kilalang aktres na nagkasalubong na naman sa isang programa kahapon.
Matagal na ang kanilang alitan pero nang nagkasalubong sila, nagbeso silang dalawa, kaya lang narinig ni actress A na parang nag-“aray†daw si actress B.
Hindi na lang kumibo si actress A pero masama ang loob niya dahil siya na nga raw ang nagpakumbabang makipagbati at nagbeso pero may naririnig pa siyang ganun.
Si actress B naman kasi parang napagod na sa mga patutsada ng fans ni actress A kaya naapektuhan ang totoo na sanang pagbabati nila.
Sana makausap ang dalawang kilalang aktres na ito ng kanilang TV network para wala nang intrigahan at hindi na nega ang atmosphere sa istasyong kinaaniban nila.
BOOM: Nagulat ang manager ni Vhong Navarro na si Direk Chito Roño sa lumabas na balitang may attempted rape nang ibinibintang sa actor-TV host.
Kaya nagbigay ng statement si Direk Chito kaugnay dito.
Aniya: “That is the mysterious missing blotter that suddenly surfaced. It was not found in any precint in Taguig yesterday.
“The police which was reported to have denied it existed. We are as keen as you are as how GMA news got it.â€
Ngayong araw ay nakatakdang operahan si Vhong at maaaring magbibigay na rin ng panibagong statement ang kanyang abogado.