CEBU, Philippines - Ugma na! SINULOG na! Ug hangtod karon, dili pa gyod makalimot ang medyo may edad edaran na, kun kinsay nagpasiugda niining nahimo na karong dako kaayong kalihokan, ug nahimo na gyong commercialized na kaayo. Ang edad edaran na, dili malimot ni sir David Boy Odilao.
Pero actually, ang original gyod nga sinulog, makita nato diha sa Basilica Minore del Sto. Niño kuno na kaniadto, matod pang Sir JVJ, pero bisa'g Basilica del Sto. Niño na na ron, daghan pa gyod konong moingong [hasta mga announcers sa radyo, ha] Basilica Minore del Sto. Niño.
Pero kamong mga batan-on wa mo mahibulong kun nganong diha ra man gyod sa Basilica magsayaw'g sinug ang mga tawo, O bisan unsang matang sa sayaw? Nganong way gitugotang magsayaw sa ubang simbahan? Nganong way magsayaw sa Parokya sa Sto. Rosario, sa Parokya sa Guadalupe, sa Our Lady of Lourdes, ug bisan sa Cebu Metropolitan Cathedral? Wa mo mag-wonder? Siyempre, ang Basilica ra ang gitugotan sa Roman Catholic Church, nga dunay magsayaw sa simbahan. Ug take note, dinhi ra sa Cebu ug sa laing duha ka simbahan sa laing kanasuran, kasayawan ang simbahan. Pero wa sad mo mag-wonder kun nganong way gikasal diha sa Basilica? Siyempre oi, dili man na parokya. Kun magpakasal ka sa usa ka simbahan nga dili parokya, duna may special permit gikan sa Archdiocese, ug usa sa espesyal nga lugar, nga puedeng kaslon ang gustong magpakasal, diha ra sa Archbishop's Palace. Na-getch ninyo, mga batan-on? O tingali'g wa lang sad gyod mo mag-wonder kun ngano. Kay ang inyong simba simba,kiat kiat ra sad. Well, anyway, HAPPY FIESTA kanatong tanan!