All the time, God is good

CEBU, Philippines - God has been good to me. Actually, God is really Good, All the Time. Tinuod gyod na. Bisa’g sa miaging 2013, maayo kaayo si God nako. Nawad-an ko’g P2,000.00 diha sa Metro-Colon. Way sad-an, ako ra. Pero naghilak gyod ko sa hilom. Kay ipangompra man gyod to--P2,000.00 is money in any language. Pero may salig gyod ko sa Kahitas-an. Pag-abot nako sa balay, nagpatulo na gyod ko sa daginoton nakong mga luha [ pila na lang go’y luha’g mga senior citizens?] samtang nag-atubang ko’s gamay nakong altar. Unya, mihangyo ko ni Lord nga nagkanayon, “Lord, kadaghan na man ko nimo ilisi kun mawad-an ko, please, ilisi tong nawaa nako ganina. Bahala na’g sa unsang paagi, basta ilisi gyod to. Human, medyo migaan gaan na ang akong gipamati. Unang lakang to ni Lord. Gipagaan na niya ang akong pagpamati sa akong galamhan. Naka-recover dayon ko.  Dili na ko mahinumdum giunsa ni Lord pag-ilis sa kwarta nga nawaa. Ang importante, nga nakalimot na ko. That was a few months ago in 2013.

Unya, atong Disyembre 19 gikawat na sad ang akong wallet. Sulod sa wallet, P 1,500.00, ID sa PHILHEALTH, ID ug labaw sa tanan, ID sa senior citizen. Problema gyod kay manghatag na ang City Hall og partial nga P200,00 sa mga senior citizen. Wa ko’y ikapakitang ID. Pero at least, duna pa ko’y bugas, ug mga groceries hinatag sa Star Group of Publications, plus gamay nga bonus ug gamay’ng cash nga daog sa raffle. Pero miadto gyod ko sa opisina sa OSCA aron ika-report ang nahitabo sa akong ID. Salamat nga accommodating kaayo ang mga taga OSCA. Wa ko’y ikasulti, basta makasabot ka lang sa ilang instructions. Salamat ninyo tanan. Pero, giilisan pa gyod ni Lord ang cash nga nawaa. Gihatagan ko’g gamay’ng pinaskohan ni Kris Aquino, gamay ni Vic Sotto [for old time’s sake], ug gamay ni Josie S. Pereyra. Unya, dako dako ang kantidad ang gipadala sa duha nako ka niece nga tua sa US. So? Nailisan ang kwarta nako nga nawaa, kay un-expected tong tanan. Thank You, Lord.