Kinairitahan!, Kris ginawang teleserye ang pambibitin sa paglipat

Nagpahabol ng pahayag si Kris Aquino via Instagram kagabi na hindi na siya aalis ng ABS-CBN.

Nabulabog pa naman niya ang fans nang mabasa nila ang post ng TV host/actress kahapon ng madaling araw tungkol sa sermon ng pari sa simbahan sa London, England na pinuntahan niya.

Nag-read between the lines ang fans. Nag-conclude sila na sigurado na ang pag-oober da bakod ng Queen of All Media dahil sa Instagram post nito na may kinalaman sa sermon ng pari.

Nairita tuloy ang mga baklita dahil ang feeling nila ay parang ginawang teleserye na dapat tutukan at subaybayan ang desisyon ni Kris. Ayaw na nila ng mga ganyang drama. Kung lilipat eh di lumipat! Pero ang latest nga, Kapamilya pa rin siya.

Anne at John Lloyd sigurado nang magsasama, friendship hindi naapektuhan ng kontrobersiya

Sigurado na raw ang pagsasama nina Anne Curtis at John Lloyd Cruz sa isang project. Big news ang pagtatambal ng dalawa na naging kontrobersiyal dahil sa sampalan na nangyari sa isang bar sa The Fort, Taguig City noong November 2013.

Hindi nagsalita noon si John Lloyd tungkol sa pananampal sa kanya ni Anne na nakumpirma dahil inamin ito ng aktres. Alam ko na ang ilang detalye ng project na gagawin nina Anne at John Lloyd pero hindi pa puwedeng i-reveal. Isang bagay lang ang klarung-klaro, hindi nakaapekto sa kanilang friendship ang insidente na pinagpistahan ng mga mahihilig sa gulo at kontrobersiya.

Krista nakipagtukaan sa gitna ng snow storm kahit buntis na buntis

Kabilang ang mag-asawang Krista Ranillo at Niño Lim sa mga naapektuhan ng snow storm sa New York, USA.

Muntik nang hindi matuloy ang New York vacation ng mag-dyowa dahil sa malakas na pag-ulan ng yelo.

Six months pregnant si Krista at hitsurang buntis siya ay rumampa sila ni Papa Niño sa New York. Nagpakuha pa sila ng litrato habang naghahalikan sa isang busy street.

Kabilang sina Krista at Papa Niño sa libu-libong pasahero na naghintay ng flight sa John F. Kennedy Airport. Chaotic ang sitwasyon sa airport dahil sa mga pasahero na stranded at naubos ang pasensiya. Tigil-tigilan na nila ang mga emote dahil mahirap na lumipad ang mga eroplano kung ma­tindi ang snow storm ’no?!

Aktor overacting na pagkatapos purihin, nalunod sa isang basong tubig

Over na ang acting ng isang aktor kaya nagli­lipat ako ng channel kapag siya ang bumubulaga sa akin sa TV.

Sa totoo lang, naging overacting ang aktor mula nang makatikim siya ng mga papuri. Feel na feel ng fans ang magkasabay na pagbabago ng ugali at ng acting ng aktor na nawalan naman ng ningning ang career dahil nag-inarte.

Ang aktor ang classic example ng artista na nalunod sa isang basong tubig dahil nakatikim ng kapiranggot na popularity.

Christopher sumunod kay Sandy sa Kapamilya

Kasama si Christopher de Leon sa cast ng The Legal Wife, ang coming soon teleserye ng ABS-CBN.

Tinanggap ni Christopher ang The Legal Wife dahil challenging ang kanyang role. Pareho nang mapapanood sa ABS-CBN si Christopher at ang kanyang misis na si Sandy Andolong na starring naman sa Home Sweetie Home na nagsimula noong Linggo. Thankful kay God ang mag-asawa dahil hindi sila nawawalan ng mga television pro­ject.